VOV4.M'nông: Nar 27/9, Groi Thủ tướng Vũ Đức Đam hŏ pah kan đah kruanh rđău kan nkual ƀon têh Hồ Chí Minh mpeh njrăng, n'gang nuh srê COVID-19, rgop trong nchrăp nău ntrŭnh rgâl ăp trong bên di, kân bah nuh srê Covid-19 n'hanh dâk hao tay jâng wăng sa ntơm bah nar 1/10.

Groi Thủ tướng lah rjăp, nkual ƀon têh Hồ Chí Minh ân mbơh gĭt lam hvi trong rƀŏng n'hao dăng mât kân nuh srê, rgâl uĕh, tĭng kơn rdâk hao tay nău kan ƀư njêng tăch rgâl, ơm ndơ̆ nău rêh bah nuĭh ƀon lan plơ̆  tay kơt ơm mhe. Nkual ƀon têh ân ơm uănh năl tay nô nău nuh srê ta nkual, lơn lah lôch rơh uănh năl lam hvi mhe aơ tĭng nău rđău đă bah Thủ tướng, ntơm bah nê, năl nău dơi ngăch dăng uănh năl mham, rnoh âk ntưp rêng ta ăp nkual geh ma nău ntưp rêng âk. Groi Thủ tướng an lah, tâm trong pơk lhoi tay, Nkual ƀon têh ân lor rdâk tay nău kan bah ăp nhih máy, doanh nghiệp têh, nkual công nghệ mhe, du đêt n'gâng kan rhŏ dŏng khlay./.

Nuĭh rblang: Điểu Thân