VOV4.M'nông: Groi Thủ tướng Vũ Đức Đam, Kruanh Ƀan rđău đă gưl neh dak mpeh pah kan njrăng, n'gang nuh srê Covid-19 ƀư tơm rơh pah kan pơk sŏng dăng bah Rmôt pah kan mha êng bah Chính chủ, pơk sŏng dăng đah kruanh rđău kan nkual ƀon têh Hồ Chí Minh mpeh pah kan njrăng, n'gang nuh srê. Nchih nkah ăp nău nsrôih bah nkual ƀon têh Hồ Chí Minh, Groi Thủ tướng Vũ Đức Đam lah rjăp, nkual ƀon têh ân geh tay ntŭk săm nuĭh ji Covid-19 jru, n'hŭch tay rnoh âk nuĭh khĭt. Êng đah mpôl kan Shiper, nuĭh njŭn ndơ̆ ndơ dôl mâp âk jêr jŏt, mô dơn nê geh nuĭh manh prăk ngân hàng gay rvăt ndeh hăn kan, nkual ƀon têh ân geh trong kơl mpeh prăk manh dŏng kơl đah ăp nuĭh hăn kan tâm trong dja. Geh tât rmôt kan Shiper mâp jêr jŏt tâm nkô̆ nău manh tơm prăk kơt Groi Thủ tướng Vũ Đức Đam nkoch, Nkual ƀon têh ân ton tĭng ƀư di tĭng nău đă bah Groi Thủ tướng Vũ Đức Đam, ta năp măt mbra mĭn uănh ntruch tay rnon an ăp shiper n'hanh du đêt mpôl kan./.

Nuĭh rblang: Điểu Thân