VOV4.M’nông: Lơ 17/9, Groi Thủ tướng Chính phủ Vũ Đức Đam ndrel rđau kan du đê̆ ntŭk kan, n’gâng kan Trung ương tât pah kan rđau nau njrăng rdâng srê Vovid-19 tâm n’gor Tiền Giang. Ntoh nau ta nar pah kan, Groi Thủ tướng Vũ Đức Đam kơp dơn ăp nau nsôih geh âk nau jêr bah ăp gưl kan, n’gâng kan, nkuăl bah n’gor Tiền Giang tâm nau njrăng rdâng srê Covid-19 tâm n’gor rơh rlau aơ, ngăn lah nau ntrŭnh ăp nau kơl an tâm nau rêh, nkre djăt, rgum ăp nau rgop đă bah nkuăl. Groi Thủ tướng Vũ Đức Đam hŏ ntoh ăp nau ê dơi, nau ndrât tâm nau njrăng, rdâng srê ma n’gor Tiền Giang ân geh uănh gay ma ƀư tâm rơh tât gay ma ơm njrăng rdâng srê. Đah ăp nkuăl geh rưih jăng lơi ri ân lŏ mât ân rjăp tâm nkuăl, lŏ uănh ân rjăp nau tât bah srê gay ma geh nau plơ̆ tay nau rêh nâm ơm./.

Nŭih rblang: H’Thi