VOV4.M'nông: Viện Vệ sinh dịch tễ Trung ương mhe n'glêh an kơi ntop 100.000 dĭng vaccine AstraZeneca an ăp đơn vị ta nkual ƀon têh Hà Nội. Rnoh vaccine dja tă bah Chính phủ Hungary ntop kơl, ƀư njêng ta Ý. Viện Vệ sinh dịch tễ Trung ương an gĭt, tâm rnoh 100.000 dĭng dja, Nhih dak si klơm soh Trung ương dơi tâm pă 10.000 dĭng, Nhih dak si Bạch Mai 8.000 dĭng, Nhih dak si Nhi Trung ương, Nhih dak si E, Nhih dak si Hữu nghị ăp ntŭk dơn 6.000 dĭng, Nhih nti Đại học Y Hà Nội dơn 5.000 dĭng. Viện Vệ sinh dịch tễ Trung ương dơn bơi 51.000 dĭng gay tâm pă an ăp n'gor. Tĭng nău tâm pă dja, Viện Vệ sinh dịch tễ Trung ương dăn đă ăp đơn vị ƀư chuh dĭl rnoh vaccine dơi pă an ƀon lan ta nkual ƀon têh Hà Nội, đăp mpăn dŏng vaccine geh nău tam, di nău ŭch, di nuĭh./.  

Nuĭh rblang: Điểu Thân