VOV4.M’nông – Jêh 9 khay ndăn ngăch, Hà Nội lĕ ntơm jêh nău chuh vaccine njrăng n’gang Covid-19 an nuĭh ƀon lan bah 18 năm deh let lơ. Lah kơt bah năp nĕ, Hà Nội an roh âk khay gay geh rnoh 2,2 rkeh nuĭh ƀon lan dơi chuh vaccine njrăng Covid-19, ri tâm rơh hô aơ, Hà Nội lĕ chuh geh bơi 3 rkeh nglai. Đah rnoh nuĭh 5,75 rkeh nuĭh bah 18 năm let lơ, Hà Nội lĕ geh rlău 96% rnoh nuĭh ƀon lan chuh đêt ngăn du nglai vaccine njrăng n’gang Covid-19. Ta lĕ rngôch ăp ntŭk chuh dơi pă nơih an nuĭh ƀon lan tât chuh, đăp mpăn ăp nău ntrŭnh njrăng n’gang srê kơt: Puh rao ty, uănh nđôi duh săk. Gay đăp mpăn ngăch, nău rƀŏng n’gluh an tâm trong kan chuh, nkual ƀon têh Hà Nội đă ăp ntŭk, ntŭk chuh ƀư chuh 3 rơh/nar.

Nŭih rblang: Y Sưng Phê Ja