VOV4.M'nông: Bí thư Thành ủy Hà Nội Đinh Tiến Dũng an gĭt n'gâng kan dak si Thủ đô hŏ đăp mpăn 1.600 rêng mpoh chuh vaccine đah nău ngăch dăng chuh 500.000 n'glai chuh/nar. Bơi 8.000 y, bác sĩ, nuĭh kan dak si uănh năl mham, kỹ thuật viên, sinh viên hŏ dơi n'hao bah 12 n'gor, nkual ƀon têh gay ntop kơl Thủ đô. Nơm geh tơm nuĭh dja, ăp ntŭk chuh pơk lĕ rnoh dăng chuh.

Ăp ntŭk chuh tâm pă ăp nai dak si sĭt dăng tay n'hâm suan n'hanh ăp rmôt kơl săm ngăch da dê gay đăp mpăn an nuĭh ƀon lan. Đah rnoh ngăch dja, tât nar 15-9, Hà Nội lôch jêh 100% nuĭh ntơm bah 18 năm deh let lơ dơi chuh dŭt đêt 1 n'glai vaccine njrăng n'gang Covid-19. Bí thư Thành ủy Hà Nội Đinh Tiến Dũng đă ăp gưl, ăp n'gâng kan tâm rgop tay lhăt đah n'gâng kan dak si, ăp mpôl pah kan bah ăp n'gor, nkual ƀon têh; ndăn tĭng mông nar gay dơi tât, lôch geh chuh đăp mpăn an geh săk tam âk./.

Nuĭh rblang: Điểu Thân