VOV4.Mnông- Ôi nar 8/10, ta Hà Nội, n’gâng kan tuch tăm mât rong n’hanh hun hao ƀon lan leo ƀư rơh rƀŭn nchră trực tuyến lam dak mpeh “hun hao mât rong ăp khay dŭt năm 2021 n’hanh mbơh ƀư nău nchrăp kan năm 2022”. Tâm rdâng đah âk nău jêr jŏt, ntul rlong kơt lah: Nuh srê Covid-19 ta nuĭh n’hanh nuh srê ta ndơ rong dŭt âk, ntŭk tăch jêr jŏt tâm rnôk rnoh ndơ sa an ndơ mât rong dŭt khlăy yơn nău khlay bâh ntrong kan mât rong hôm nha geh hao 4,2% đah khay aơ năm e. Tĭng nĕ, 9 khay ba năp, lĕ rnoh sŭr geh tăch klâp ma 4,7 rkeh tấn, rlău 12 rmen tăp kik djăr n’hanh bơi tât 900 rbăn tấn dak toh..Tĭng nău uănh năl nsum, ntrong kan mât rong n’hanh ăp khay dŭt năm geh tâm rdâng tay đah nău jêr jŏt an geh doh rklaih, ngăn lah nău hăn nsong, tăch rvăt nchoăn rdeng ndơ n’hanh ndơ dŏng kơl an mât rong gay ma mât tay njêng tay ndơ rong, nkre lah mât đăp mpăn pă ndơ dŏng ăp khay dŭt năm, di rơh tết Nguyên đán n’hanh du gâl kơl an nău pah kan jan sa.

 Nuĭh rblang: Thị Đoắt