VOV4.M’nông – Chính phủ Hungaria lĕ ntrŭnh an Chính phủ Việt Nam 100.000 dĭng vaccine AstraZeneca n’hanh 100.000 kôp uănh năl mham rchăng n’gang ngăch gay njrăng rdâng đah chôt srê Covid-19. Tâm rnôk chôt srê geh âk nău rgâl jêr jŏt đah nău ntoh bah ăp ntil kaman mhe đah nău klach âk n’hanh ntưp ngăch, Chính phủ Việt Nam lĕ mĭn nău dơi gĭt âk ntil vaccine n’hanh ngăch chuh lam hvi lah trong mkra khlay n’hanh jăch aƀaơ. Nău Chính phủ Hungaria ntrŭnh ntop kơl vaccine n’hanh kôp uănh năl rchăng n’gang an Việt Nam lah nău ƀư têh khlay an saơ nău tâm boh “Kan ndrel lĕ rngôch” uĕh lăng đah Việt Nam n’hanh Hungaria tâm rlău 70 năm bah năp, nkre tâm pă ndrel rnôk jêr jŏt, nsrôih ndrel n’hâm soan ntrôl rŭch chôt srê Covid-19 ta lam ntŭr neh.

          Nŭih rblang: Y Sưng Phê Ja