VOV4.M’nông: Ia Rvê lah xã nkual n’har bri jêr ngăn bah nkual n’har bri Ea Súp, n’gor Dak Lak. Xã geh 14 thôn, đah 22 rnoi mpôl ndrel gu\ rêh. Nu\ih [on lan ngăn lah tă bah âk nkual tâm lam dak tât gu\, nau rêh hôm âk nau jêr, đah rnoh ach o geh rlau 60%, rnoh mô gi\t play săm [u\t jhôm âk. Ăp năm rlau ao, tahen biên phòng ho\ jêng ăp nai nti\m play săm [u\t ân kônh wa ta ao.

Đah nau nsôih kơl an [on lan n’hao nau rêh, nau blau, ăp năm rlau ao, tahen Đồn Biên phòng Ia Rvê, Tahen Biên phòng Dak Lak ho\ [ư âk jrâu ntim nti play săm [u\t. Mhe ao ngăn, tâm khay 6/2020, Đồn Biên phòng Ia Rvê ndrel Ngih săm [u\t Tiểu học-THCS Chu văn An lo\ pơk tay jrâu nti\m nti ân [on lan tâm xã. Jrâu nti\m nti geh [ư tâm ăp nar du\t pơh, yor du cán bộ biên phòng ndrel nai nti kon se Ngih săm [u\t Tiểu học-THCS Chu Văn An dâk nti\m nti.

Jrâu nti geh 19 nu\ih, geh âk ngăn lah bu ur, nu\ih âk năm ngăn lah 60 năm, hôm đê\ năm ngăn lah 30 năm. Lah nu\ih nti âk năm năm tâm jrâu, wa Lữ Thị Sáng nkoch “Bah năp nơh, nau rêh bah rnăk vâl mâp âk nau jêr ngăn, mô dơi geh hăn nti ôh, a[ao sao tahen biên phòng ndrel ma nai nti\m nti play săm [u\t tât bonh đă jêh ri pơk jrâu nti yor ri ma gâp u\ch ngăn nti nkre. Gâp u\ch nti gay ma ntrong trong ân kon sau ndrel gay ma blau play săm [u\t, ăp tơ\ hăn khám ji ân nơm ri nơm ko\ blay răk uanh nau ji bah nơm rnôk ma nai dak si ncyhih tâm sổ khám ji bah nơm yor lah knu\ng vay đă bu êng răk ân”. Têh năm, yơn wa Sáng lah ngoai tâm ăp nu\ih gơih nti ngăn bah jrâu, tât rnok ao, jêh bơi tât 5 khay hăn nti wa ho\ blau răk, blau nchih ndrel blau kơp ti\ng ăp mrô.

Đah yuh Hoàng Mùi Lai (thôn 14) xã Ia Rvê, nau bonh gay ma yuh hăn nti nê lah ăp nu\ih rnăk vâl êp nơm. Yuh nkoch lah: “ Sao ăp nu\ih êp nơm ri ntơm nơh bu ko\ mô geh blau răk, mô blau nchih kơt nơm đo\ng, yơn jêh lôch hăn nti ri ăp nu\ih ko\ blau răk ndrel nchih blau, geh âk nu\\ih ho\ hun hao văng sa rnơm nau nti play săm [u\t bah tahen, yor ri ma gâp nsôih nti”.

Tâm xã n’har bri Ia Rvê, nkưal Ia Súp, n’gor Dak Lak ho\ geh âk ngăn rnak vâl hun hao văng sa nâp jêng lơn tă bah play săm [u\t, kơt wa Hà Công Thức, ta thôn 13. Ti\ng nau wa Thức, rnăk păng [ư mir, lo\, mât rong mpa, bah năp nơh yor mô blau răk, mô blau nchih, âk mpa rong geh nau ji ri păng knu\ng rvăt êng dak si, jêh ri ân ngêt ti\ng nau nơm mi\n yor mô blau răk play săm [u\t bu mbơh mô lah geh bu nti\m ri kơt ti\ng, mô gi\t lah tam đo\ng lah mô.

Săm [u\t nti\m nti nau mât rong, tuch tăm yor rmôt Pah kan lo\ mir xã pă knu\ng nchlơi êng ta nê. Kơp ntơm rnôk râng jrâu nti yor tahen Biên phòng [ư, wa Thức sao kơt lah ang kloh ngăn. Păng joi êng săm [u\t mpeh nau mât  rong, blau nau njrăng ji tă bah ngai ơm ân mpa rong, si tăm, blau nti\m nti nau mbơh do\ng bah ăp ntil dak si mât chăm, blau kơp prăk pah kan nơih lơn bah năp nơh. Rnơm kơt ti\ng nau kan, nau mât chăm tơm tăm, mpa rong, nau kan văng sa bah rnak wa geh hun hao lơn. Du năm jêh nê, jêh rnôk nku\p le\ nau do\ng bôk năp ri rnak wa hôm geh rlau 50 rkeh.

Tâm kơt ma nê, yuh Hoàng Thị yến, ta thôn 13, jêh rnôk blau  răk, blau nchih ho\ janh [ư ti\ng ăp nau ma păng u\ch tă bah jo\ ma ao, ne elah pơk ntu\k tăch ndoh ndơ, hun hao văng sa rnăk vâl. Blau pay săm [u\t,. blau kơp rnoh, nau tăch rgâl đah yuh lơn ma nơih, nau nchih nau ti\ng prăk rêl mô hôm geh nau jêr. Mô lah kơt nô Bàn Sàng Cán, ta thôn 14, nau ueh ngăn bah kan blau play săm [u\t a[ao lah nrôk ndoh ndơ tâm ngih nô djơh ri nô blau nkra êng rnơm nau răk play săm [u\t nau leo do\ng ndrel nkra bah bu nti\m mbơh mô lah lăp tâm mạng Internet gay ma ti\ng kơt nau nkra, rgâl ma ntơm nơh ri hăn nkra ngih bu.

Tâm ăp năm rlau ao, tahen Biên phòng Ia Rvê, tâm N’gâng kan rđau tahen Biên phòng Dak Lak ho\ tâm rgop pơk 4 jrâu ntim nti nau jut jăng nau mô blau play săm [u\t ân 150 nu\ih [on lan tâm nkual. Lôch jrâu nti, ăp nu\ih ko\ blau răk, blau nchih, blau do\ng kơp nau nơih. Bah ăp jrâu nti, tahen biên phòng ko\ nti\m âk kônh wa [ư nau kan hun hao văng sa, jut n’huch ach o./.

Nu\ih rblang: H’Thi