VOV4.Mnông- Lôch geh saơ 7 nuĭh ntưp nuh srê tâm ntŭk rêh jêng ta nkuăl ƀon têh Kon Tum, nar 24/10, UBND n’gor Kon Tum lĕ dơn ngoăy ntrong kan đah nău mbơh dăn bâh ntŭk kan ntĭm nti an kon hoc nkuăl ƀon têh Kon tum rlu nău nti ta ngih nti n’hanh Ntrŭnh njêng ntŭk gŭ nkhah êng ta nkual geh srê Covid-19 tâm ntŭk rêh jêng.

Tĭng nĕ ntơm bâh nar aơ, 25/10 , lĕ rngôch ăp ntŭk kan ntĭm n’hanh nti ta nkuăl ƀon têh Kon Tum an geh rlu nău nti rgum ta ngih nti. Ăp oh kon hoc mbra gŭ ta jay nti trực tuyến n’hanh ăp nău nti an tâm di êng. Nău plơ̆ tay ta ngih nti rgum nsum bâh ăp oh kon hoc knơm ta nău tât bâh nuh srê Covid-19 ta nkuăl ƀon têh Kon Tum. Geh tât 7 nuĭh ntưp srê mhe geh saơ ta ntŭk rêh jêng ta nkuăl ƀon têh Kon Tum, UBND n’gor Kon Tum lĕ geh nău ntrŭnh đă njêng ntŭk gŭ nkhah êng nkual geh srê ta tổ 6, phường Quang Trung, nkuăl ƀon têh Kon Tum gay ma njrăng, rdâng nuh srê Covid-19. Ntŭk kan dak si nkuăl ƀon têh Kon Tum bôk năp lĕ geh năl 113 nuĭh lah F1, 168 nuĭh F2 tă tâm mâp đah nuĭh ntưp srê.

Nuĭh rblang: Thị Đoắt