VOV4.M’nông: Lơ 27/9, ăp ngih săm ƀŭt tâm n’gor Dak Nông hŏ vơt kon se nti plơ̆ tay ngih săm ƀŭt jêh âk nar ƀư nkhah srang gay ma njrăng, rdâng srê Covid-19. Tĭng nê, n’gâng kan ntĭm nti n’gor Dak Nông tâm ban nau ân ăp ngih săm ƀŭt tâm 4 nkuăl: Dak Glong, Dak Song, Tuy Đức, Krông Nô ndrel nkuăl ƀon têh Gia Nghĩa vơt kon se plơ̆ nti tay. Rnôk tât nti, ăp oh geh veh duh n’ik săk jăn, rao kloh ti nkhĭt kman.

Ăp ngih săm ƀŭt mô ƀư chào chờ bôk pơh ma rgâl tâm nê lah nai nti mra ntĭm nau njrăng rdâng srê, nkô̆ nau njrăng rdâng bah ngih săm ƀŭt, Tâm lôch nar nti, ăp kon se ndrel nai nti ân put bok put mbung. Êng tâm nkuăl Cư Jút, jêh rnôk saơ nŭih ntưp srê Covid-19 tâm xã Nam Dong tâm lơ 26/9, n’gâng kan ntĭm nti hĭ nsrŭng nau ân kon se hăn nti./.

Nŭih rblang: H’Thi