VOV4.M'nông: Tâm 2 nar 30 n'hanh 31/8, kon se nti jrô 1 ta n'gor Dak Nông hŏ ntơm plơ̆ nti tay năm nti mhe 2021-2022 tĭng trong gŭ srang ngai êng gay đăp mpăn njrăng, n'gang nuh srê Covid-19. Kon se nti dơi wơt bah mpông nhih nti, puh kaman ti n'hanh weh duh săk lor rnôk lăp jrô nti. Lĕ rngôch me bơ̆, kon se nti, cán bộ, nai ntĭm nti tĭng ƀư jăp 5K.

Năm nti 2021- 2022, lam n'gor Dak Nông geh rlău 182 rbăn kon se nti ăp gưl. Tâm nê geh 38 rbăn kon se nti gưl mầm non, rlău 72 rbăn kon se nti tiểu học, 48 rbăn kon se nti THCS, bơi 23 rbăn kon se nti THPT n'hanh nklăp 1 rbăn kon se nti ăp trung tâm giáo dục thường xuyên. Bah kơi jrô 1, ntơm bah nar aơ (1/9), kon se nti ăp jrô nti êng ƀa ƀă ta n'gor Dak Nông mbra plơ̆ nti tay tĭng trong gŭ srang ngai. Êng đah mầm non mô ƀư plơ̆ nti, dơn wơt kon se nti bah kơi nar 5/9 dơm./.  

Nuĭh rblang: Điểu Thân