VOV4.M'nông: Nar aơ (29/11), N'gâng kan dak si n'gor Kon Tum ntơm an ƀư chuh lam hvi rơh 1 vaccine njrăng n'gang nuh srê COVID-19 an bơi 66.000 kon se ntơm bah 12 tât 17 năm deh. Tâm rnôk hăn chuh rơh 1 vaccine njrăng n'gang Covid-19 an bơi 66.000 kon se ntơm bah 12 tât 17 năm deh, n'gâng kan dak si n'gor Kon Tum kan nsum đah Sở Giáo dục n'hanh Đào tạo n'gor chuh vaccine an kon se nti ăp nhih nti Trung học Phổ thông, Phổ thông Dân tộc Nội trú, Ntŭk rgum ntĭm nti nău kan n'hanh Giáo dục thường xuyên. 

Kơp tât ôi nar 29/11 hŏ geh bơi 8.500 kon se nti bah 21/38 đơn vị nhih nti dơi chuh vaccine Pfizer n'glai 1. Tĭng Sở Giáo dục n'hanh Đào tạo n'gor Kon Tum, kon se ntơm bah 15- 17 năm deh dơi an chuh lor n'hanh njŭr mbrơi rnoh năm deh tĭng rnoh geh tâm pă vaccine bah Sở Y tế. Gay đăp mpăn kon se dơi tât đah vaccine du trong đăp mpăn, ăp tŏng, Ban giám hiệu ăp nhih nti hŏ nkoch trêng n'hanh rgŏ jă me bơ̆ kon se nti ký ton ŭch an ăp kon se dơi chuh vaccine. 

Nuĭh rblang: Điểu Thân