VOV4.M’nông: N’gor Kon Tum mhe geh nau njoăl Tổng công ty điện lực miền Trung đă uănh, ndal ntrŭnh ntuh kơl ndâk trạm biến áp 110kV Đăk Glei ndrel trong rse 110kV Bờ Y-Đăk Glei tĭng nau ntrŭnh. Tĭng UBND n’gor Kon Tum, nau ndâk trạm biến áp 110kV Đăk Glei ndrel trong 110kV Bờ Y-Đăk Glei lah nau klay ndrel ndal. Nkô̆ lah geh Trạm biến áp ndrel trong aơ mơ pơk trong nơih ân nau nthoi ăp ngih máy thuỷ điện tâm lam nkuăl Đăk Glei.

Rgop nau mât nau hun hao văng sa, têh jêng bah n’gor, đăp mpăn nau dơi ntih kơl ăp ngih máy thuỷ điện ndrle n’hao nau rnơm pă điện ân nkuăl Đăk Glei. Dơi gĭt, Trạm biến áp 110 kV Đăk Glei ndrel trong rse 110kV Bờ Y-Đăk Glei hŏ geh nau rgum hun hao điện lực n’gor Kon Tum lvang năm 2016-2025, yơn lah tât rnôk aơ mbrơi 3 năm rđil nau nchrăp, Trạm hôm ê geh Tổng công ty Điện lực miền Trung ntuh kơl ndâk. Aơ dôl lah nau kol bah trong pă điện ndrel n’hâm sial tâm 2 nkuăl Ngọc Hồi, Đăk Glei bah n’gor Kon Tum njok n’har bri Lào./.

Nŭih rblang: H’Thi