VOV4.Mnông- Tâm rnoh 272 nuĭh gŭ rêh, pah kan, nti ta nkuăl ƀon têh Hồ Chí Minh mhe geh n’gor Kon Tum vơt sĭt, geh 4 nuĭh ntưp đah SARS-cov2.

Tâm nĕ, geh 2 hê ta nkuăl ƀon têh Kon Tum n’hanh 2 hê ta nkuăl Tu Mơ Rông. Lĕ 4 nuĭh nĕ lĕ geh ntŭk kan mât uănh njrăng nău ji ta n’gor Kon Tum ƀư xét nghiệm geh năl rơh 1 đah PT-PCR an saơ lĕ ntưp đah SARS-COV2. Lôch geh saơ, ăp nuĭh ăp lĕ geh ndơ̆ tât nkual gŭ nkhah êng mât săm. N’gâng kan dak si ta ntŭk lĕ geh uănh năl geh 24 nuĭh lah F1 bâh 4 nuĭh ntưp aơ. Ntŭk kan dak si n’gor Kon Tum an gĭt ta ntŭk geh 1 hê nuĭh kan ta ngih dak si ntưp đah Covid-19 n’hanh 1 hê nuĭh geh ntưp tay SARS-COV2.

          Nuĭh rblang: Thị Đoắt