VOV4.M’nông: Jêh 15 nar râng nar Lễ khai giảng bah tivi ndrel trực tuyến tâm ngih gay ma njrăng rdâng srê Covid-19, ôi lơ 20.9, rlau 164 rbăn kon se nti ăp gưl nti bah n’gor Kon Tum ndơn hăn nti nar nti rgum tâm ngih săm ƀŭt bôk năp bah năm nti 2021-2022. Kan ƀư ân kon se hăn nti tâm ngih săm ƀŭt rgum geh n’gor Kon Tum nkah njrăng ngăn đah nau đă đăp mpăn đah kon se ndrel nai nti.

  Tât rnôk aơ, bol ma kơp dơn geh 27 nŭih ntưp đah SARS-Cov2, yơn Kon Tum lah du n’gor êng tâm nkuăl Tây Nguyên ê geh kơp dơn nŭih ntưp tâm ƀon lan. Tâm mông ôi hăn nti bôk năp rgum tâm ngih săm ƀŭt, Ban giám hiệu 373 ngih săm ƀŭt ta Kon Tum ƀư rjăp nau njrăng srê Covid-19. Ăp kon se kŏ kơt nai ntĭm nti kŏ geh veh duh n’ik săk jăn ndrel put bok put mbung tâm rnôk ntĭm nti tam ngih săm ƀŭt./.

Nŭih rblang: H’Thi