VOV4.M’nông: Ta Kon Tum yor geh nau khuch bah mih dak lip mrô 6 tâm lơ 24/9, tâm n’gor geh mih têh ndrel bah găp, geh ntŭk mih têh ƀư âk nkuăl geh dak lip băm, rluh neh. Tâm ăp nkuăl prêh bah n’gor Kon Tum, lah: Kon Plông, Tu Mơ Rông, Đăk Glei mih dak lip ƀư âk ntŭk rluh tâm trong hăn 40B tâm km 161+400 tâm nkuăl Tu Mơ Rông.

Hôm tâm du đê̆ nkuăl rđŭng bah ăp nkuăl kơt Sa Thầy, Đăk Tô, Đăk Hà, nkuăl ƀon têh Kon Tum mih têh hŏ lơh lip ntung ƀư trong hăn koh gưl.

Nau kơp dơn bôk năp ân saơ tâm nkuăl Tu Mơ Rông, Sa Thầy mih dak lip ƀư âk rbăn ha ba, tuh mbo ndrel ndrôk rpu, sur, kik djăr khĭt. Bah năp nau nê, mih dak lip hôm têk jong tâm măng aơ, n’gâng kan ăp nkuăl, nkuăl ƀon têh bah n’gor Kon Tum kơl an nau mât đăp mpăn nau rêh ndrel ndrăp ndơ ân ƀon lan./.

Nŭih rblang: H’Thi