VOV4.M’nông - Tâm âk nar aơ, [on lan ăp rnoi mpôl ta Kon Tum le\ rlu nău kan mir ba gay, răk ngih wâl n’hanh wơt rhơn Tết Nguyên đán Mậu Tuất ! đah nsrôih mô an rnăk ach o an khuch mô to\ng ndơ sa, ndơ ngêt tâm ăp nar Tết, n’gâng kan, nsum mpôl n’hanh ăp rmôt rêh jêng ta Kon Tum le\ geh âk nău [ư mât uănh Tết an nu\ih ach o.

Tâm ăp nar dăch Tết Nguyên đán Mậu Tuất 2018, rnăk nô A Kin ta [on Đăk Đông, xă Ngọc Tụ nkuăl Đak Tô, n’gor Kon Tum dơi rgâl [ư jay mhe têh ue\h n’hanh nâp nâl. Nkoch nău răm nô A Kin an g^t, mô m^n nơm dơi [ư jay yor rnăk ach o tât ndơ sa hôm mô to\ng. Dơi ndâk [ư bah 30 rkeh prăk yor UBMTTQ Việt Nam n’gor Kon Tum ntop kơl ndrel 17 rkeh prăk rnăk wâl ntêm nkrem n’hanh nar kan bah kônh wa tâm [on, jay mhe le\ kơl rnăk nô A Kin bah Tết aơ mô hôm rêh gu\ ndê. Tâm jay tâm rnglăp hôm e [ô vôi xi măng, ăp ndơ an ma ăp rmôt kan nsum mpôl, rêh jêng an le\ djôt mông nar Tết tât ơm đah rnăk wâl. Nô A Kin răm rhơn nkoch:

 “A[aơ gâp geh jay hôm gâp saơ rnăk wâl răm hôm, ue\ng lăng đo\ng, bah năp đaơ jêr jo\t, [ư jay sat, a[aơ Ngih dak ntop kơl an gâp hôm, gâp lah ue\h. Bah kơi nsrôih [ư sa hun hao lơn tay. Gâp nsrôih lơn tay đo\ng”.

Gay âk rnăk geh tay nău răm tết, mô geh rnăk an khuch ji ngot ndơ ngêt sa tâm rơh Tết, n’gâng kan [on lan 102 xă, phường, nkuăl têh bah n’gor Kon Tum le\ ntơm du rơh mêt uănh le\ rngôch đah trong way [ư “tât tâm jay, go\ mpông” nchih săk na nê| t^ng rnăk geh ji ngot. Đah ăp xă nkual jru ngai, nkual rnoi mpôl đêt n’hanh nkual n’har bri, mât uănh Tết an rnăk ach o dơi jao na nê| an n’gâng kan [on lan, ntu\k kan gu\ ta n’gor n’hanh ăp ntu\k kan njêng oh nô đah ăp xă, thôn [on. Wa A Nhập, Groi kruanh UBND xă n’har bri Đak Blô, nkuăl Đăk Glei, ntu\k geh bơi 400 rnăk [on lan rnoi đêt Jeh-Triêng, tâm ne\ geh 160 rnăk tâm rnăk ach o, an g^t:

A[aơ ăp rnăk, rnăk dơi kơl le\ nchih săk dơi so\k ndơ Tết, bah bôk khay 2 ntơm [ư an ndơ an ăp rnăk ach o. Le\ ntơm kơp uănh rnăk ach o ma geh ji ngot tâm rơh Tết. Rlău ma ne\ nău ntru\nh nsum ma Ban thường vụ Đảng uỷ nt^m rđau dôl nchrăp nar rgum nklâm [anh chưng ta 4/4 thôn ma du\t jêr jo\t ach o, rnăk dơi kơl xă du\t uănh. 100% ach o mbra dơi wơt Tết to\ng ăp mô dơi an mô to\ng ndơ sa mô lah ndơ Tết tâm rơh Tết.

Ta nkuăl Đăk Glei đo\ng, ngoay tâm âk nkuăl jru ngai jêr jo\t ngăn bah n’gor Kon Tum, nău đăp mpăn mô an rnăk geh khuch ji ngot, ji kăt tâm rơh Tết Nguyên đán trong kan dôl dơi n’gâng kan [on lan an lor bôknăp. Mhe aơ nkuăl le\ rlak tơm prăk 500 rkeh prăk rwa\t bơi 1.000 blah phôi ntâk n’hanh rlău 700 blah kho ao răm an nu\ih [on lan 6 xă mpeh bah lơ nkuăl, geh: Mường Hoong, Ngọc Linh, Xốp, Đăk Choong, Đăk Blô n’hanh đăk Man. Wa A Thanh Sắc, Kruanh jrô kan Lao động, Thương binh n’hanh xã hội nkuăl an g^t, êng đah nu\ih rnăk ach o, nu\ih ntop kơl kon nu\ih ntu\k kan le\ m^n dăn đă, to\ng ăp rnăk geh Tết:

Mpôl hên dăn đă kơl ji ngot tâm rơh Tết an 1.012 rnăk đah 61.215 kg phe, du hê 15 kg. 120 nu\ih tâm rnăk dơi ntop kơl kon nu\ih a[aơ nkuăl le\ pă prăk 34 rkeh, du nklâm 200 rbăn prăk. Mpôl hên nsrôih [ư ue\h ăp nău aơ nkuăl đăk Glei mbra mô geh rnăk ji ngot n’hanh ji kăt tâm nar Tết.

Ndrel đah n’gâng kan [on lan, nău râng du\t n’hâm bah ăp ngih pah kan ntu\k kan, doanh nghiệp n’hanh rmôt kan, nsum mpôl tâm nău mât uănh tết [ư  an nu\ih [on lan ta n’gor Kon Tum răm. Năm aơ ta ăp [on  rnoi mpôl đêt tâm n’gor geh [ư Nar rgum [a\nh chưng pu\t. Nău u\ch nkre nta an răm nar tết, wơt năm mhe đăp mpăn ăp rnăk ach o đêt ngăn geh 2 mlâm [a\nh chưng sa Tết. Âk rơh hăn “ndơ\ Tết tât đah [on lan ach o” ta n’gor Kon Tum le\ dơi [ư tâm ăp nar bah năp. Wa A Vượng, Bí thư nkuăl uỷ đăk Hà, an g^t:

2 khay plơ\ ma aơ geh du\t âk mpôl lo\ng bôk tôr tât tâm rgop ndrel đah nkuăl an ndơ an rnăk ach o, rnăk rnoi mpôl đêt ta nkual. UBND nkuăl, jêh ne\ Mặt trận nkuăl le\ geh sam [u\t njuăl ăp doanh nghiệp ngih dak, ăp doanh nghiệp [ư êng, ăp rmôt êng nu\ih  geh nuih n’hâm lo\ng ta nkuăl rgum kơl gay rgum m^n uănh an rnăk ach o, rnăk êp ach o. Bah meng ne\ nkuăl rgo\ jă tâm cán bộ công chức du hê đêt ngăn kơl 50.000 prăk gay [ư nar rgum [a\nh chưng pu\t ta nkual ăp thôn, [on nkual rnoi mpôl đêt an kônh wa sa Tết.

Mô knu\ng lah Tết wa\ch rgum ma hôm lah Tết tâm pă, Tết yô| ro\ng, tâm rơh Tết Nguyên đán Mậu Tuất 2018, mbra geh nklăp 43. 000 nu\ih n’hanh rlău 34.500 rnăk ach o, êp ach o ta n’gor Kon Tum dơi ntop kơl phe n’hanh prăk gay wơt Tết. “Djôt Tết tât nkual jru, ngai”, “Ndơ\ Tết tât đah nu\ih ach o” dôl lah nău kan khlay dơi n’gor Kon Tum ndăn [ư jêh bah năp yan puh mhe”./.

            Nu\ih nchih rblang: Y Sưng Phê Ja