VOV4.M’nông – Ta n’gor Kon Tum tâm 24 mông bah năp geh mih têh tât dŭt têh, rnoh dak mih geh bah 80-240 mm n’hanh n’gâng kan ƀon lan lĕ kơp dơn du đêt khuch khat.

Bôk jâng ntung yung ta dak me Pô Kô ta nkuăl têh Đăk Glei, nkuăl Đăk Glei geh pĭch rlâm.

Ôi 17/10, UBND n’gor Kon Tum geh sam ƀŭt njuăl ngăch ăp n’gâng kan, nău kan, ntŭk kan tâm n’gor n’hanh UBND 10 nkuăl, nkual ƀon têh nchrăp rdâng đah mih dak lip, dak băm, dak rchoh n’hanh pĭch rlâm neh. Khuch khat bôk năp yor mih têh ƀư dơi kơp dơn đah trong hăn. Yor mih têh, dak ta ăp dak me hao, ta nkuăl Đăk Glei, du mlâm ntung yung mbăk rlău dak me Pô Kô nthoi nkuăl têh Đăk Glei đah 2 thôn Đông Sông, Đông Thượng lĕ geh dak klôn rdu bôk jâng ntung.

Ntŭk băm ntung li ta trong lăp tâm xă Đăk Pxi, nkuăl Đăk Hà.

N’gâng kan ƀon lan an ntăm kđar mbơh njrăng, đă nuĭh kâp ntĭm nuĭh ƀon lan hăn rwăch ntung êng. Nu nău mih dak lip ƀư pĭch rlâm ta ly jêng tât kol trong hăn aƀaơ geh ta du đêt trong hăn ta nkuăl Kon Plông n’hanh Tu Mơ Rông.

Nŭih rblang: Y Sưng Phê Ja