VOV4.M’nông – 2 nar aơ, khuch bah phŭt mrô 6 ƀư âk nkual n’gor Kon Tum geh mih jêt tât mih têh, nchroh mbơh tâm 24 mông tât ta lam n’gor geh mih jêt, mih têh tay, geh ntŭk mih dŭt têh. Nkual ăp nkuăl: Đăk Glei, Tu Mơ Rông, Kon Plông mih têh geh bah 100 tât 200mm geh dak bŭk, dak rchoh, pĭch rlâm neh dŭt âk. Ta năp nu nău aơ Kruanh UBND n’gor Kon Tum lĕ geh công điện ndal ƀư trong rdâng đah mih dak lip, pĭch rlâm neh.

Du ntŭk dak băm ta xă Đăk Pxi, nkuăl Đăk Hà, n’gor Kon Tum tâm rơh phŭt mrô 5

Tĭng nĕ, Kruanh UBND n’gor Kon Tum Lê Ngọc Tuấn đă Kruanh UBND 10 nkuăl, nkaul ƀon têh bah n’gor uănh nđôi rjăp nu nău phŭt mrô 6; mbơh, nkoch njrăng ơm tât ăp rmôt kan, êng nuĭh n’hanh nuĭh ƀon lan ta ntŭk gĭt gay rdâng đah trôk nar; nkre kơp uănh, nchrăp trong rdâng đah mih têh, dak băm, dak rchoh, pĭch rlâm neh, sial choănh tât geh, nâp nâl mô an geh khuch yor thơ tha. Đah ăp nkual dơh geh khuch bah dak lip, pĭch rlâm neh... mbơh, njrăng ơm an nuĭh ƀon lan gĭt gay njrăng rdâng.

Nŭih rblang: Y Sưng Phê Ja