VOV4.M’nông: Lam n’gor Kon Tum a[aơ geh 23 nu^h tơm mât bri, 74 UBND xã, thị trấn, rlău 3.600 rnăk n’hanh 22 [on mât njrăng rlău 360.000ha bri nkhôm prăk mât njrăng bri. I ngăn an saơ nău t^ng [ư nkhôm prăk mât njrăng bri dôl njêng nău geh ndrop, nê lah bri dơi mât njrăng, hun hao n’hanh nu^h tơm bri, [on lan, rnăk wâl ăp năm geh prăk gay an pah kan mât njrăng tâm ban kơt rgâl geh nău rêh đo\ng.

          Dơi Công ty jao mât njrăng 2 tiểu khu 744 n’hanh 748 đah le\ rngôch rnoh hvi rlău 2.200ha bri ta thôn 1, xã Ia Tơi, nkuâl Ia H’Drai, n’gor Kon Tum, nô Phùng Chí Mạnh, nu^h kan mât njrăng bri, Trạm mât njrăng bri trâp 270, Công ty TNHH Một thành viên lâm nghiệp Ia H’Drai an g^t, ntơm bah bôk năm tât a[aơ neh bri tă bah nô mât njrăng dơn geh du tơ\ nu^h [on lan mu^h săr trâp hvi nklăp 200m² dơm. Nơm geh ngăch ban saơ n’hanh ntrôl dăng nkoch trêng tât [on lan thôn 1, kônh wa g^t dơi nău ký ton êng mô hôm plơ\ tih tay luật mât njrăng bri. N’hanh nău khlay lơn đo\ng t^ng nô Mạnh lah, ntơm bah rnôk geh trong kan nkhôm prăk mât njrăng bri, nu^h kan tâm nhih pah kan geh tay soan ntrôl gay mât njrăng bri u\eh lơn:

            “Oh nô [ư du\t jăp nău kan mât njrăng bri, way hăn ôp uănh n’hanh groi nđôi rlong uănh rnăk i ru\n in neh bri lah rgo\ jă nkoch trêng an bu luh du bah dih. Ăp nar hăn wa\r n’hanh t^ng groi nđôi wa\r bar pe tiểu khu he t^ng groi nđôi le\. Oh nô [ư le\”.

            Tu Mơ Rông lah nkuâl du\t jêr jo\t bah n’gor Kon Tum. Nău rêh bah nu^h [on lan đah lơn âk lah nu^h Sedang hôm âk jêr jo\t. Tă bah nău geh wa\ng sa bah nu^h [on lan nsing tâm tuch tăm jêng nău u\ch pơk hvi neh tuch tăm nar lơn ma âk n’hanh nău dja le\ mpet jâk tât neh bri. Gay mât njrăng dơi dơi bri mô geh ndơ i ue\h lơn lah an nu^h [on lan saơ dơi nău ue\h ma bri ns^t tay an rnăk wâl, an [on lan. Wa Vương Văn Mười, Groi Kruanh UBND nkuâl Tu Mơ Rông, an g^t na nê| ntơm bah rnôk geh trong kan nkhôm prăk mât njrăng bri, bơi 12.000ha bri ta n’gor dja dơi jao an rlău 800 rnăk [on lan ri bri le\ dơi mât njrăng ue\h lơn.

            “Ntơm bah nar geh trong nkhôm prăk mât njrăng bri nău g^t wât êng bah kônh wa dơi n’hao prêh n’hanh păng nkre đah nău dơn kan, nkre đah nău dơi. Bôk năp nkre đah nău dơn kan đah kônh wa yor kônh wa way mât bri gay so\k do\ng ăp ntil tơm dak si ta nâm n’hâm bri. Tâl bar đo\ng gay tăm ăp ntil tơm dak si. Ntơm nơh kônh wa g^t êng mpeh pah kan mât njrăng bri du\t đêt yơn ntơm bah nar geh nkhôm prăk mât njrăng bri tâm ban kơt hun hao ăp ntil tơm dak si ta nâm n’hâm bri mô lah ns^t geh wa\ng sa ăp ntil tơm ta nâm n’hâm bri đo\ng ri ntơm bah nê nkre đah nău dơn kan bah kônh wa âk lơn. Pah kan mât njrăng bri ta nkuâl du\t ue\h. ăp rơh tih kônh wa lơh êng bri mô hôm đo\ng ôh”.

            Ndrel đah 23 nu^h tơm mât bri lah nsum mpôl, 74 xã, thị trấn, geh rlău 3.600 rnăk n’hanh 22 [on lan ta n’gor Kon Tum le\ dơi ngih dak jao neh, jao bri mât njrăng bơi 45.000ha bri pă an ndơ nkhôm prăk mât njrăng bri. Săm[u\t mbơh bah ăp nu^h tơm mât bri an saơ, nău r^ng geh ăp năm bah ăp rnăk dơn mât nklăp 5 rkeh prăk, nsum thôn nklăp 88 rkeh prăk n’hanh rmôt rnăk nklăp 37 rkeh prăk. Nkoch mpeh nău tât ue\h bah trong kan nkhôm prăk mât njrăng bri, wa Hồ Thanh Hoàng, Giám đốc prăk nkrem mât njrăng n’hanh Hun hao bri n’gor Kon Tum, an g^t:

            “Trong kan nkhôm prăk mât njrăng bri le\ njêng luh du nău way prăk kaih ntuh kơl an nău kan mât njrăng bri n’hanh hun hao bri đăp mpăn, jo\ jong. Ăp nu^h tơm bri, nu^h [on lan râng mât njrăng bri n’hao nău geh wa\ng sa. Lôch nê rgum dơi tơm soan bah lam rêh jêng kon nu^h gay râng tâm pah kan mât njrăng bri, lơn lah nu^h [on lan gu\ rêh tâm bri n’hanh dăch kêng bri; nta joi tay nău kan n’hanh nău geh wa\ng sa an nu^h [on lan, ntơm bah nê le\ rgâl ue\h ndơ joi geh nău rêh an nu^h [on lan, rgop jut jăng n’hu\ch ach o t^ng kơn n’hao nău rêh bah nu^h [on lan ta ntu\k; n’hao nău dơi tam nău kan mât njrăng n’hanh hun hao bri bah lam rêh jêng kon nu^h ta n’gor lah nsum n’hanh mât ue\h săk geh pă an ndơ nkhôm prăk mât njrăng bri lah êng”.

            I ngăn an saơ nău t^ng [ư nkhôm prăk mât njrăng bri ta n’gor Kon Tum mô dơn t^ng kơn rgâl ue\h nău rêh bah nu^h [on lan, n’hao nău g^t dơn êng nău kan bah nu^h tơm bri, n’hao âk rmôt rnăk, nsum mpôl [on lan dơi geh dơn mât njrăng bri ma hôm rgum dơi du tơm soan têh an pah kan nsong hăn, mât njrăng bri đo\ng. Aơ lah ntơm jâng khlay gay ntrôl dăng pah kan lam rêh jêng kon nu^h mât njrăng bri, rgop ue\h hu\ch ngăch rnoh rnăk ach o, đăp mpăn rêh jêng kon nu^h lơn lah ta nkual jru ngai bah n’gor./.

Nu^h nchih rblang: Điểu Thân