VOV4.M’nông –  Ôi nđaơ, Ban ntĭm rđău njrăng n’gang srê Covid-19 n’gor Kon Tum ƀư rƀŭn ndal pơk sŏng dăng đah 10 nkuăl, nkual ƀon têh tâm n’gor mpeh 2 nuĭh ntưp đah Covid-19 bôk năp dơi saơ ta n’gor bah ntơm geh srê n’hanh n’hao trong kan njrăng, n’gang srê tâm nu nău mhe bah n’gor. Lĕ 2 hê F0 dơi nkhah dâl rnôk tât n’gor n’hanh dôl săm ta Ngih dak si nkuăl Kon Plông n’hanh Ngih dak si Y dược Cổ truyền-Phục hồi chức năng n’gor Kon Tum.

Kon Tum: Ntoh 2 hê F0 dôl dơi nkhah êng rnôk lăp n’gor

Ta rơh rƀŭn ndal pơk sŏng dăng đah 10 nkuăl, nkual ƀon têh tâm n’gor, Ban ntĭm rđău njrăng n’gang srê Covid-19 n’gor Kon Tum lĕ ntĭm rđău n’hao trong kan njrăng n’gang srê tâm nu nău mhe bah n’gor. N’gor dŭt lah đah n’gâng kan 10 nkuăl, nkual ƀon têh bah n’gor tâm trong kan uănh nđôi nuĭh sĭt bah ăp nkual srê n’hanh mô an ntưp rlơ̆ tâm nkual nkhah êng săm ji ăp nuĭh F0.

Nuĭh rblang: Y Sưng Phê Ja