VOV4.M’nông – Ta n’gor Kon Tum, nău ntop kơl an nuĭh pah kan, ntŭk kan dŏng pah kan geh khuch yor srê Covid-19 tĭng ntĭm rđău bah Chính phủ dôl dơi ƀư ndăn n’hanh đăp mpăn di nuĭh dơn. Ƀư tĭng Nghị quyết 68 n’hanh Nghị quyết 23 bah Chính phủ mpeh du đêt nău kơl nuĭh pah kan n’hanh nuĭh dŏng pah kan mâp jêr jŏt tă bah srê Covid-19, tât aƀaơ bơi 880 doanh nghiệp đah rlău 16.000 nuĭh pah kan ta n’gor Kon Tum lĕ dơi ntop kơl đah dĭng lĕ rnoh prăk rlău 5,2 rmen prăk. Ndrel đah ntop kơl nuĭh pah kan tĭng nghị quyết 68 n’hanh Nău ntrŭnh 23,

Ntŭk kan dŏng pah kan tât dăn nchih săk nuĭh pah kan dơn ntop kơl Bảo hiểm roh nău kan ta BHXH n’gor Kon Tum.

ƀư tĭng Nghị quyết 116 bah Chính phủ, n’gor Kon Tum geh rlău 17.000 nuĭh dôl râng Bảo hiểm roh nău kan dơi ntop kơl đêt ngăn lah 1,8 rkeh prăk n’hanh âk  ngăn lah 3,3 rkeh prăk/du hê. Tât n’gul khay 10 mhe rlău, lĕ geh rlău 1.800 nuĭh bah n’gor dơi ntop kơl bơi 4,6 rmen prăk bah Tơm prăk nkrem bảo hiểm roh nău kan.

            Nŭih rblang: Y Sưng Phê Ja