VOV4.Mnông: Ua\nh năl n’hao nău g^t vât, g^t đah pháp luật bâh ăp nu^h [on lan lah nău kan bôk năp khlay gay ma bri geh mât ua\nh, mât ueh lơn. Bâh bôk năm tât a[aơ ăp ntu\k kan n’hanh n’gâng kan tơm mât bri ta Kontum le\ n’hao dăng nău pah kan aơ.

  Bâh bôk năm tât a[aơ, nkuăl n’har bri Ngọc Hồi, n’gor Kontum saơ geh 57 rơh [ư tih mât ua\nh bri. Tâm ne\, du\t nkah lah 41 rơh tih mpeh tăch rvăt, mât prăp si mô tâm di đah nău ntru\nh ngih dak, 9 rơh nchoăn rdeng si mô tâm di pháp luật, 1 rơh mu^h kăl bri đah rnoh khuch roh geh tât rlău 5.500 met vuông bri mât tăm...nău du\t nkah lah tâm ăp rơh [ưtih mpeh luật bri geh mpôl kan têh saơ, du\t âk rơh lah bâh rnoh mbơh bâh nu^h [on lan. Wa Dương Thanh Thế, groi kruanh  hạt kiểm lâm nkuăl Ngọc Hồi an lah, aơ lah nău geh bâh nău ntrôl pah kan mbơh tơih n’hao nău g^t vât, nău ua\nh năl pháp luật mpeh mât ua\nh bri, mât bri đah nu^h [on lan ta ntu\k:

”Bâh bôk năm tât a[aơ kiểm lâm ta ntu\k tâm rgop đah ăp xã [ư [a [ơ rơh mbơh tơih mpeh nău kan mât ua\nh bri tât ăp rnăk [on lan. Ntrong kan du\t khlay lah ndrel đah ăp rơh r[u\n nchră ta thôn, mbơh tơih pháp luật mpeh nău kan mât ua\nh bri, nkre lah tâm rgop đah ăp bôk nău kan mpeh ntu\k gu\ rêh ta bri. Kơp bâh bôk năm râng geh ta ntu\kle\ mbơh [ư geh 7 xã, nkuăl têh. Ăp khay ta ăp thôn râng geh du rơh mbơh tơih rgo\ jă. Bâh nău mbơh tơih rgo\ jă tơm khlăy nău g^t ua\nh năl bâh nu^h [on lan le\ geh n’hao nău m^n. Nău dơn kan bah nu^h [on lan tâm nău kan mât ua\nh mât bri le\ geh n’hao âk”.

Geh nău kan mât ua\nh, mât bơi tât 56.300 ha bri, rnoh neh bri d^ hvi ta 2 nkuăl Sa Thầy n’hanh Ngọc hồi, rnâng kan mât ua\nh bri ngih dak mât Chư Mang Mrai ua\nh năl, đah 106 cán bộ, nu^h kan lah mô knơm ta [on lan r^ mô dơi geh mât ua\nh ueh bri. Yor ne\ ngoăy tâm âk ntrong kan ma ntu\k kan nsrôih [ư lah n’hao nău g^t vât, nău g^t pháp luật mpeh mât ua\nh n’hanh hun hao bri an nu^h [on lan ta ntu\k.

Kơp êng tâm 6 khay bôk năm aơ, rnâng kan mât ua\nh bri ngih dak mât Chư Mang Mrai le\ [ư geh 136 rơh mbơh tơih rgo\ jă đah rlău 3 rbăn nu^h [on lan tât râng. Ta meng ne\, leo kan n’hanh mât nău kan 10 cau lạc bộ ueh nđir ta 10 ngih ntu THCS đah bơi tât 300 kon hoc tât râng ta nkual n’har bâh bri ngih dak mât ta 2 nkuăl Sa Thầy n’hanh Ngọc Hồi. T^ng wa Võ Sỹ Chung, Giám đốc rnâng kan mât ua\nh bri ngih dak mât  Chư Mang Mrai, aơ lah du ntrong kan khlay mpeh jo\ jong gay ma mât bri săk rnglăy.

”Mpôl hên pă mbơh an kon hoc nău nti mpeh mât ua\nh le\ rngôch bri ngih dak mât Chư Mang Mrai , lôch ne\ kơl an ăp oh kon hoc g^t nău khlay bâh bri, bâh mpa bri, tơm si đah nău rêh. G^t ăp nău khlay bâh nău mât bri, mât si gle mpa bri. Kơl an ăp oh g^t mơh nău kan [ư mô ueh, [ư khuch tât bri n’hanh kơl an ăp oh u\ch ro\ng lơn tay đah bri. Bâh ăp oh lah ăp nu^h kan mbơh tơih rgo\ jă so\ng dăng tât nu^h bên, băl mpôl lôch ne\ lah [on lan ndrel gay ma mât bri, mât ueh si gle”.

Nău ngăn an saơ ndrel đah n’hao [ư t^ng pháp luật bah mpôl kan têh, nău 22 ntu\k kan tơm bri lah ntu\k leo kan, 74 UBND xã, nkuăl têh ta n’gor Kontum n’hao nău g^t vât, g^t đah pháp luật bâh nu^h [on lan ta ntu\k le\ kơl an nău mât ua\nh bri rlău 361.500 ha bri geh nkhôm mât ua\nh bri ăp nar lơ ma dơh n’hanh ueh lơn.

                        Nu^h rblang: Thị Đoắt