VOV4.M’nông – Kêng măng (3/10), mpôl bơi 1.300 nuĭh bah nkual srê mpeh bah dâng hăn đah ndeh măy sĭt ƀon tât n’gor Kon Tum.Ta ntŭk uănh nđôi srê mrô 1 Sao Mai, ta xă Hòa Bình, nkual ƀon têh Kon Tum, mpông lăp mpeh bah dâng lăp n’gor, ăp rmôt kan dơi kan ta aơ lĕ ƀư pă mpor trong njrăng n’gang srê Covid-19 n’hanh ntop kơl nuĭh ƀon lan sĭt ƀon tơm.

Rmôt kan dơi kan ntŭk uănh nđôi srê mrô 1 Sao Mai rgum mbơh ntop kơl nuĭh ƀon lan hăn sĭt ƀon tơm

Nău mbơh bah rmôt kan dơi kan ta ntŭk uănh nđôi srê mrô 1 Sao Mai, êng ta kêng măng 3/10 lĕ geh 644 ndeh măy đah bơi 1.300 nuĭh ƀon lan bah ăp n’gor nkual srê mpeh bah dâng hăn sĭt ƀon tơm tât n’gor Kon Tum. Jêh groi nđôi tâm pă geh 94 nuĭh lah nuĭh ƀon lan n’gor Kon Tum; 17 nuĭh lah nuĭh ƀon lan n’gor Quảng Ngãi n’hanh bơi 1.200 nuĭh lah nuĭh ƀon lan bah n’gor Quảng Nam sĭt Bắc.

Jêh rnôk jong trong hăn lĕ rngôch nuĭh ƀon lan dŭt ŏk r’ah da dê

Gay đăp mpăn trong kan njrăng n’gang srê Covid-19 n’hanh đăp mpăn an nuĭh ƀon lan tâm rnôk hăn rlău n’gor, UBND nkual ƀon têh Kon Tum lĕ rgŏ jă 100 cán bộ, nuĭh pah kan ăp rmôt kan pah kan njrăng n’gang srê n’hanh ntop kơl nuĭh ƀon lan.

Nuĭh rblang: Y Sưng Phê Ja