VOV4.M’nông – Ta kêng măng 7/10 ta nkual n’glău dak bât thủy điện Plei Krông, lvang ta thôn 3, xă Hà Mòn, nkuăl Đăk Hà, n’gor Kon Tum lĕ geh du rơh rklŭp duk ƀư 2 hê roh. Tĭng nău mbơh bah UBND xă Hà Mòn, nkuăl Đăk Hà, ta nŭng nar geh du rmôt 7 nuĭh ndăm leo hăn ndar ka ta nkual aơ n’hanh ƀư ngêt sa ta aơ.

Rmôt joi nuĭh rmanh tât râng joi nuĭh rmanh

Tât dŭt mông kêng măng du rmôt ndăm re ta duk n’hanh geh 4 nuĭh sĭt lor. 3 nuĭh ƀa ƀă yor geh nuĭh chuêl điện thoại jêng wah duk plơ̆ joi. Rnôk duk tă kơh dak 30 km ri ndrăt ndal rklŭp duk n’hanh knŭng du hê tâm rnoh aơ dơi re kơh, 2 hê roh. Jêh rnôk dơi nău mbơh mpeh nău rmok dak, n’gâng kan ƀon lan xă Hà Mòn, nkuăl Đăk Hà lĕ rgŏ jă rmôt ta ntŭk n’hanh tâm rgop đah rmôt Công an ƀư joi nuĭh rmanh. Tât rlău 12 kêng măng nđaơ, tă nău mbơh bah ntŭk rmanh an saơ rmôt kơl kan mô hŏ dơi joi saơ săk nuĭh rmanh./.

Nuĭh rblang: Y Sưng Phê Ja