VOV4.M’nông: N’gor Kon Tum mhe kơp dơn geh 6 nŭih ntưp ma srê SARS-Cov2 tâm ntŭk nkhah rgum tâm n’gor (Ngih săm bŭt Cao đẳng Cộng đồng n’gor Kon Tum). Bah năp nê, 6 nŭih tă bah nkuăl ƀon têh Hồ Chí Minh ndrel n’gor Bình Dương tât Kon Tum tâm lơ 27/7 đah ndeh êng nơm. Jêh rnôk tât ntŭk nkân njrăng srê mrô 1 Sao Mai, xã Hoà Bình, Nkuăl ƀon têh Kon Tum, lĕ 6 nŭih geh rmôt kan bah n’gor leo nkhah rgum. Ôi lơ 1/8, jêh rnôk geh nau uănh năl ntưp rơh 1 ma srê Covid-19 đah nau năl RT-PCR, lĕ 6 nŭih geh leo tât ntŭk săm ta ntŭk tal 2, Ngih dak si Y Dược cổ truyền-ndâk săk soan n’gor Kon Tum. Tât rnôk aơ, ăp nŭih F0 ta n’gor Kon Tum kŏ geh saơ tâm ăp ntŭk nkân njrăng bah mpông lăp n’gor ndrel leo nkhah năn. Kon Tum ê geh kơp nŭih ntưp srê Covid-19 tâm ƀon lan./.

Nŭih rblang: H’Thi