VOV4.M’nông – Nŭng nar 21/10, du hê kon hŏk jrô 12C2, ngih sam ƀŭt THPT Trần Quốc Tuấn ta nkuăl têh Đăk Hà, nkuăl Đăk Hà, n’gor Kon Tum jêh uănh năl ntưp đah Covid-19. Nău mbơh bah Ƀan giám hiệu ngih sam ƀŭt an gĭt, 50 kon hŏk n’hanh nai mâp êp đah oh kon hŏk aơ geh an ƀư nkhah êng rgum gay njrăng n’gang srê.

Ngih sam ƀŭt THPT Trần Quốc Tuấn rgâl an ntĭm nti trực tuyến jêh rnôk saơ geh F0 lah kon hŏk.

Bah năp nĕ, Ƀan Giám hiệu ngih sam ƀŭt THPT Trần Quốc Tuấn lĕ an kon hŏk n’hanh nai geh mâp êp đah kon hŏk F0 ƀư nkhah êng ta jay. Bah kêng măng ngih sam ƀŭt THPT Trần Quốc Tuấn rgâl an ƀư ntĭm nti trực tuyến. Ntŭk uâ̆nh nkân kop ji n’gor Kon Tum n’hanh rmôt nai dak si bah nkuăl ƀư kơp uănh tay nuĭh an ƀư nkhah rgum n’hanh sŏk ndơ uănh năl ta ngih sam ƀŭt THPT Trần Quốc Tuấn.

Ƀư joi n’hanh sŏk ndơ uănh năl ăp nuĭh geh ntưp bah nuĭh F0

Dơi gĭt oh kon hŏk L.T.H.G mô hŏ geh chuh vaccine, ntưp Covid-19 bah yuh bu ur rêh ta phường Tân Phú, nkual ƀon têh Đồng Xoài, n’gor Bình Phước sĭt, lĕ jêh nkhah êng rgum. Nău kan dak si n’gor Kon Tum n’hanh rmôt kan dơi kan n’gor Kon Tum dôl ndăn ƀư joi, sŏk ndơ uănh năl ăp nuĭh geh ntưp bah 5 nuĭh F0. Bôk năp rmôt kan dơi kan năl geh nklăp 230 nuĭh lah F1./.

Nuĭh rblang: Y Sưng Phê Ja