VOV4.M’nông: Ta Kon Tum ntơm lơ 5/10 tât 6/10, n’gâng kan dak si mro saơ ăp nŭih ntưp mô lah plơ̆ ntưp tay đah SARS-Cov2. Aơ lah ăp nŭih ƀon lan sĭt êng tă bah n’gor Bình Dương. Ngăn lah, tâm lơ 6/10, hŏ geh 4 nŭih geh n’gâng kan dak si n’gor Kon Tum saơ geh ntưp đah SARS-Cov2. Tâm 4 nŭih F0 geh 2 nuih tâm xã Pô Kô, nkuăl Đăk Tô. Du hê tâm xã Đăk Kan, nkuăl Ngọc Hồi, ndrel du hê tâm xã Đăk Ngọc, nkuăl Đăk Hà.

Ăp nŭih F0 aơ kŏ geh leo nkhah rgum nkre jêh tă bah n’gor Bình Dương sĭt tât ntŭk bu nkân uănh mrô 1 Sao Mai, nkuăl ƀon têh Kon Tum tâm lơ 4/10. Tâm lơ 5/10, n’gâng kan dak si n’gor Kon Tum hŏ saơ geh 12 nŭih plơ̆ ntưp đah SARS-Cov2. Ăp nŭih aơ hŏ geh săm srê Covid-19 ta Bình Dương, sĭt n’gor dah rŏng ndrel geh nkân tâm trong mpông mrô 1 Sao Mai, nkuăl ƀon têh Kon Tum. Kon Tum rnôk aơ lah du n’gor êng tâm Tây Nguyên ê geh saơ ăp nŭih ntưp srê Covid-19 tâm ƀon lan./.

Nŭih rblang: H’Thi