VOV4.Mnông- Tâm rnôk geh nuh srê Covid-19, nău pah kan tăch ndơ an dak bah dih bâh n’gor Kon Tum 9 khay ba năp hôm nha geh mât nău hun hao rlău đah nău nchrăp. Na nê̆ tâm 9 khay ba năp, lĕ rnoh ndơ tăch an dak bah dih bâh n’gor Kon Tum geh rlău 174 rkeh đôlar, rlău nău nchrăp n’hanh hao bơi tât 41% đah khay aơ năm e.

Nuĭh ƀon lan Kon Tum sŏk rtăk cao su

Tâm nĕ, cao su lah ndơ tăch an dak bah dih âk ngăn bâh n’gor geh  bâh 80-85% lĕ rnoh prăk geh tăch ndơ an dak bah dih. Tĭng nău mbơh bâh UBND n’gor Kon Tum, bol ma geh mâp âk nău jêr jŏt yor khuch tât bâh nuh srê Covid-19, yơn lah tât lĕ khay 9 tăch ndơ an dak bah dih n’gor Kon Tum lĕ bơi tât geh nău nchrăp lĕ năm. Nău dơh nơih lah rnoh cao su ăp khay bôk năm hao bâh 15-17% đah khay aơ năm e. Trung Quốc ntŭk tăch rgâl ndơ an dak bah dih tơm dôl ndâk nsơm tay lôch nuh srê Covid-19 jêng nău tăch rvăt âk. Tâm ăp khay dŭt năm nchroh yor rnoh tăch cao su hŭch, n’gâng kan  ƀư ôtô ta lam ntur neh ndâk nsơm n’hanh nău wăng sa Trung Quốc hun hao ueh jêng dơh nơih an ăp doanh nghiệp bâh n’gor Kon Tum tâm nău tăch an dak bah dih ndơ tơm khlăy ta n’gor aơ.

Nuĭh rblang: Thị Đoắt