VOV4.M’nông – Ôi 25/8, Đảng bộ, n’gâng kan n’hanh nuĭh ƀon lan xă Chư Hreng, nkual ƀon têh Kon Tum wơt dơn Ntrŭnh bah UBND n’gor Kon Tum kơp dơn xă geh tâm di ƀon lan mhe. Jêh rlău 10 năm nsrôih rƀŏng tĭng ndâk njêng ƀon lan mhe, xă Chư Hreng, nkual ƀon têh Kon Tum geh tŏng 19/19 rnoh ndơ ƀư đah âk săk rnglăy ntoh lư, kơt:

Ntoh măt xă Chư Hreng dơn nău ntrŭnh geh tâm di ƀon lan mhe bah UBND n’gor Kon Tum.

Dĭng lĕ rnoh nuĭh geh nău kan ƀa ƀơ tâm rnoh năm deh pah kan geh rlău 99%; rnoh rnăk ach o knŭng hôm 2,55%; Nău geh rĭng bôk nuĭh ăp năm rlău 41 rkeh 400 rbăn prăk. Đah nău xă Chư Hreng dơi kơp dơn tâm di ƀon lan mhe, tât aƀaơ nkaul ƀon têh Kon Tum geh 7 xă ƀon lan mhe n’hanh aơ lah xă ƀon lan mhe tal 29 bah n’gor Kon Tum.

Nŭih rblang: Y Sưng Phê Ja