Kahg^t 70 năm nar tahen sôt rmanh –tahen kh^t tâm lơh kăl e.

(27/7/1947 - 27/7/2017)

 Krêp kăr nău way “Ngêt dak kahg^t tu”.

                        GS.TS: Trần Đại Quang

                        Uỷ viên Bộ chính trị, kruanh dak CHXHCN Việt Nam.

            VOV4.Mnông: Lôch nar Cách mạng khay 8 geh nău dơi, tâm rnôk nău rêh ta ngih dak mpôl rlăng tâm dak n’hanh bah dih dak geh âk, neh dak mâp âk nău jêr jo\t. Kruanh Hồ Chí Minh hôm nha geh mât ôp khâl, rgo\ jă, nkah đă ăp nu^h  g^t lah ueh n’hanh le\ nuih n’hâm kơl an tahen sôt rmanh, rnăk tahen kh^t tâm lơh kăl e. tâm săm [u\t njoăl an rnâng kan bâh rnâng kan leo [ư “Nar tahen sôt rmanh lam dak”. Wa nt^ng ntăn: “Tahen sôt rmanh lah ăp nu^h nklơi rnăk vâl, nklơi nting mham nơm gay ma mât ngih dak, mat [on lan. Yor nău geh bâh ngih dak, bâh [on lan, ma ăp đồng chí ne\ mô klach săk nơm kop ji, quet nte. Yor ne\, ngih dak n’hanh [on lan an kahg^t, an geh nău kơl an ăp nu^h têh dăng ne\”. geh nău mât kơl nt^m đă so\ng dăng bâh wa, nar 27 khay 7 năm 1947- Nar tahen sôt rmanh lamd ak geh  ntơm bôk đah rơh tâm mâp têh [ư ta xã Hùng Sơn, nkuăl Đại Từ, n’gor Thái Nguyên. Lôch geh nău dơi têh ta Điện Biên Phủ, Đảng, ngih dak he lơ ma mât ua\nh lơn tât nău kan mât kơl an tahen sôt rmanh, tahen kh^t tâm lơh, nu^h geh kan đah cách mạng. bâh khay 7 năm 1955. Nar tahen sôt rmanh lam dak gẻh gâl jêng nar tahen sôt rmanh-tahen kh^t tâm lơh.

            Nar tahen sôt rmanh-tahen kh^t tâm lơh lah nău kan chính trị-rêh jêng du\t khlay, geh nău khlay tâm nău tâm ro\ng kon nu^h âk. Aơ lah rơh ma le\ Đảng, le\ [on lan n’hanh le\ tahen he ku\nh bôk kahg^t, lah ueh ăp nu^h kan cách mạng kăl e, ăp nu^h tahen kh^t, ăp nu^h kon ntoh lư bâh mpôl rnoi le\ têh dăng tâm lơh, têh dăng kh^t ji, kahg^t lah ueh ăp tahen sôt rmanh le\ ntop nting mham  nơm tâm nău kan nsrôih rklaih đăp mpăn mpôl rnoi, dơn ngoăy neh dak, tâm ban kơt tâm nău kan rdâk njêng, mât ngih dak n’hanh [ư lôch nău kan đah lam dak bah dih, mât ua\nh kơl an ăp nu^h tahen sôt rmanh, tahen geh nău ji, rnăk vâl tahen kh^t tâm lơh kăl e. ăp rơh nu^h Việt Nam mbro mbrăng kahg^t tât ăp nău têh dăng, nău kh^t ji ntoh lư, ntop kan têh kuăng bâh [on lan, tahen lam dak yor n’gâng đăp mpăn, ueh lăng bâh ngih dak, nău hơm răm bâh [on lan.

            Gay ma kahg^t, ryơk rnê nău ntop kan têh khlay đah cách mạng bâh ăp tahen kh^t, tahen sôt rmanh, tahen geh nău ji, rnăk vâl tahen kh^t, nu^h geh kan đah cách mạng kăl e, krêp kăr nău way “ngêt dak kahg^t tu”, “sa play kahg^t nu^h tăm” bâh mpôl rnoi he, tâm le\ 70 năm ba năp, Đảng, ngih dak he way mât ua\nh leo kan, nt^m đă [ư ueh jăp nău kan mât kơl tahen sôt rmanh, tahen kh^t tâm lơh kăl e, nu^h geh kan đah cách mạng n’hanh leo kan rgo\ jă le\ [on lan nsrôih tât râng ăp nău kan “Tâm pêt tâm kơl”, “Lam [on lan mât kơl ăp rnăk tahen sôt rmanh, tahen kh^t n’hanh nu^h geh kan đah cách mạng”. âk nău ntru\nh, nău kơl, pháp luật mpeh nău kơl an đah tahen kh^t, tahen sôt rmanh, tahen geh nău ji, rnăk vâl tahen kh^t tâm lơh kăl e, nu^h geh kan đah cách mạng le\ geh ntru\nh, nu^h geh dơn nău kơl an geh pơk hvi ăp ntu\k, ăp rnoh kơl an geh njoat [ư ueh, mpơl nău lah ueh, kahg^t, mât kơl bâh Đảng, ngih dak n’hanh [on lan đah nu^h geh kan kăl e.

            Nău kan mbơh nău, rgo\ jă mbơh tơih nău kơl, pháp luật mpeh nău kơl an đah nu^h geh kan kăl e le\ geh ăp gâl kan, ăp n’gâng kan mbơh [ư geh săk rnglăy đah âk ntrong kan tâm di, kơt ăp bôk nău kan, nkô| way kan “Hăn joi băl mpôl”, “Mplơ\ s^t ntu\k kăl e” bâh đài Truyền hình Việt Nam; “Mbơh rblang nău kơl an”, “Nău mbơh nu^h tahen kh^t” bâh Đài Tiếng nói Việt Nam, Truyền hình Quốc phòng; “Tâm pêt tâm kơl”, “ Nău mbơh mpeh môch tâp tahen kh^t” bâh Báo quân đội nhân dân n’hanh âk nău nkoch mpeh nu^h geh kan đah cách mạng ta ăp ntu\k ntoh rup ntoh ngơi êng. Bâh ne\, le\ ntop nău nt^m nti nău ro\ng dak, chủ nghĩa anh hung cách mạng n’hanh n’hao nău g^t vât bâh cán bộ, đảng viên n’hanh ăp rơh nu^h [on lan, ngăn lah rơh mom mpeh nău kan têh khlay bâh ăp tahen kh^t tâm lơh kăl e, tahen sôt rmanh, tahen geh nău ji, rnăk vâl tahen kh^t tâm lơh kăl e, nu^h geh kan , ua\nh năl nău kan n’hanh ăp nău kan na nê| gay ma ndâk nsơm n’hanh n’hao nău dơi têh khlay tâm nău rêh jêng gay ma mât kơl ueh lơn, n’hao nău rêh ndơ do\ng, nău m^n bâh nu^h geh kan kăl e.

            Ndrel đah rnoh prăk pah pah kan kơl an nu^h geh kan bâh tơm prăk ngih dak, ăp rnoh kan, ntrong kan nău kơl ăp nar lơ ma âk, ueh , geh nău tam săk rnglăy na nê|. Nău kan mât chăm nu^h geh kan kăl e ăp nar lơ ma hun hao, geh nău tre\ lam têh hvi, geh ntu\k rêh jêng nsrôih [ư t^ng. ăp nău kan “tâm pêt tâm kơl”, “le\ [on lan mât kơl an ăp rnăk vâl tahen sôt rmanh, rnăk vâl geh tahen kh^t n’hanh nu^h geh kan kăl e đah cách mạng”, dơn mât rong nu^h mê| Việt Nam anh hung geh ntrôl dăng, ăp bôk nău kan rdâk [ư ngih jay tâm ro\ng, “jay bôl kan ndrel”, “ao răm pă an tahen sôt rmanh, tahen geh nău ji hô”, “Ao sut pă an ăp mê| Việt Nam anh hung”….  Geh [ư mbro, [ư âk ta ăp ntu\k, nău kơl an ngih jay gu\ an nu^h geh kan kăl e n’hanh pă nău kan đăp mpăn an kon tahen kh^t, tahen sôt rmanh, geh nău ji hô geh ua\nh an lor.

            Ta meng nău mât chăm, kahg^t lah ueh ăp nu^h geh kan đah cách mạng n’hanh rnăk vâl, nău kan nkra mhe, [ư ueh tay ăp môch tâp tahen kh^t tâm lơh kăl e, ntu\k nchih săk, ntu\k mbah tahen kh^t, joi nting n’hanh ua\nh năl săk ntơ tahen kh^t le\ geh nsrôih [ư mbro. Âk nău kan kơp dơn nău ntop soan kan bâh tahen kh^t- ăp nu^h têh dăng “kh^t nklơi nting mham gay ma ngih dak dâk rêh” le\ jêng di tích lịch sử, nău kan văn hoá, nău mpơl nt^t an nău m^n, nău nsrôih mât đăp mpăn n’hanh nău u\ch ueh lăng bâh mpôl rnoi Việt Nam, geh nău khlay mpeh nău nt^m nti tâm nău way ro\ng dak, cách mạng, geh âk [on lan, tahen lam dak n’hanh băl mpôl lam ntur neh tât chop khâ, kahg^t, kơt lah môch tâp tahen Điện Biên Phủ, môch tâp tahen kh^t Trường Sơn, môch tâp tahen kh^t Đường 9, ntu\k mbah kahg^t tahen kh^t Bến Dược-Củ Chi, ntu\k kahg^t tahen kh^t mom ndăm tât kan nglah pe Đồng Lộc, Truông Bồn, Lam Hạ…le\ joi, rgum rbăn nting tahen kh^t tâm dak n’hanh ta ăp dak băl Lào, Campuchia. Nău ntuh kơl, n’hao nkra ăp ntu\k ua\nh năl AND geh ua\nh khlay, ntip ngăch g^t năl săk nting tahen kh^t tâm lơh kăl e. ăp nău kan geh nău tâm ro\ng ne\ le\ ntop [ư bah ir nău rngot klâng bâh ăp rnăk vâl geh tahen kh^t, ăp nu^h bơ\, mê|, nu^h ur n’hanh kon nu^h tahen kh^t tâm lơh, dôl nar măng kâp klâng.

            Âk nău kơl ueh tâm di đah ăp nu^h geh kan kăl e ta ntrong kan dak si, nt^m nti…le\ geh mbơh [ư ueh. Ta ăp rơh lễ, tết, nar 27-7 ăp năm, rlău ma ndơ pă an bâh kruanh dak, ăp rnâng kan, n’gâng kan, mpôl kan, ăp ntuk le\ [ư tâm mâp măt, tât ôp khâl, pă ndơ an ăp rnăk dơi kơl. Ăp nu^h [on lan, ăp ntu\k kan n’hanh nu^h kan ăp nar lơ ma nsrôih tât râng ăp nău kan “Tâm pêt tâm kơl”, “ngêt dak kahg^t tu”, ntop [ư rgâl mhe, n’hao nău rêh n’hanh nău m^n an nu^h geh kan đah ngih dak kăl e.

            Bâh geh ăp ntrong kan nsrôih ueh tâm di, tât a[aơ, lam dak le\ geh 97% rnăk vâl nu^h geh kan kăl e geh rnoh rêh tâm ban mô lah rlău rnoh rêh bâh nu^h [on lan ngăn ta ntu\k gu\ ndrel. Ntoh lơ ma âk nu^h ntoh lư  tâm ăp nău kan bâh tahen sôt rmanh, tahen geh nău ji, rnăk vâl tahen kh^t tâm lơh, nu^h geh kan kăl e đah nău m^n nsrôih n’hanh nău nsrôih kan du\t di rnê nsơm, le\ nsrôih, rlet nău jêr jo\t tâm nău pah kan, nsrôih pah kan rlet nău jêr jo\t gay ma hun hao tâm nău kan, nău rêh, mât njrăng ngih dak, tăch rgâl, nsrôih tât râng ăp nău kan tâm rlong ro\ng dak, hăn bôk năp ta nău kan njrăng rdâng đah ach o, rluk mâl, ntop rdâk njêng ngih dak ăp nar lơ ma têh ueh.

            Gay ma n’hao ăp nău dơi geh, nău geh tâm 70 năm ba năp, nkre lah ntrôl tay nău kan mât chăm kơl an tahen sôt rmanh, rnăk vâl tahen kh^t tâm lơh kăl e, nu^h geh kan đah cách mạng, tâm let năp tay, ăp gâl kan, ăp ntu\k kan an geh mât ua\nh na nê|, [ư tay geh săk rnglăy ăp nău ntru\nh, nău kơl bâh Đảng, ngih dak mpeh nău kơl an nu^h geh kan kăl e, nău tơm khlay lah Nghị quyết Đại hội tal 12 bâh đảng, nău nt^m đă mbrô 14 CT7TW bâh Ban Bí thư Trung ương Đảng khoá 12 mpeh n’hao tay nău leo kan bâh đảng đah nău kan an nu^h geh kan đah cách mạng kăl e. ntrôl nău mbơh tơih têh hvi nău ntru\nh-nău kơl bâh Đảng, ngih dak đah tahen sôt rmanh, nu^h geh kan kăl e…bâh ne\, dơn ngoăy nău m^n [ư ueh nău kơl kan an nu^h geh kan kăl e nkre lah nău ro\ng têh khlay, nău dơn kan bâh le\ ntrong kan chính trị n’hanh le\ [on lan, nkre lah nău mât đăp mpăn [ư t^ng nău ueh mhe  n’hanh tâm ban ntu\k rêh jêng,mpơl nău tâm di n’hanh nău ueh bâh nău rêh he, ntop ndâk nsơm rmôt tâm rnglăp le\ mpôl rnoi, n’hao nău tâm knơm bâh [on lan ta nău leo kan bâh Đảng, ngih dak.

            Rgum leo kan, nt^m đă [ư t^ng to\ng ăp nău kơl bâh Đảng, pháp luật bâh ngih dak đah tahen sôt rmanh, tahen geh nău ji, rnăk vâl tahen kh^t tâm lơh kăl e, nu^h geh kan kăl e. tâm ne\, du\t mât ua\nh tât ăp rnăk vâl dơi kơl geh âk nău jêr jo\t, nu^h geh kan a[aơ dôl rêh êng, mô geh ntu\k nsing nơm, ăp rnăk vâl dơi kơl ta nkual [on lan rnoi đê|, nkual njônh ngai, nkual gu\ kan ta ntu\k neh cách mạng ntơm nơh, nsrôih mô an rnăk geh kan kăl e ta rnoh ach o. ntrôl ngăch nău joi, rgum n’hanh ua\nh năl nting tahen kh^t tâm lơh kăl e mô ho\ joi saơ. An lor rnoh nu^h kan pă rklaih ăp nău u\ch khlay đah nu^h geh kan kăl e, kơt lah mât rong kơl an nu^h mê| Việt Nam anh hung, nti nău kan, pă nău kan, kơl an ăp rnăk dơi kơl hun hao pah kan jan sa, tăch rgâl…bâh nău kan rgum le\ ăp rnoh nu^h kan ta ntu\k rêh jêng đah rnoh nu^h kan bâh ngih dak, nsrôih tât năm 2020 geh nău mpo\ng rnoh rnăk geh kan kăl e geh kơl nkra mhe, rdâk [ư ngih jay gu\ t^ng nău ntru\nh n’hanh geh rnoh rêh tâm ban mô lah âk lơn đah rnoh nău rêh bâh [on lan ngăn ta ntu\k gu\ rêh ndrel.

            Ua\nh năl tay, ntop tay, [ư lôch tâm di tay naư kơl, pháp luật an lor đah nu^h geh kan kăl e, ngăn lah ua\nh khlay doh rklaih ăp nău ko\ kol, hôm e ntoh luh geh tât gay ma ngăch rgâl mhe, ntop tay an tâm di đah nău wa\ng sa rêh jêng bâh neh dak. Ngăch doh rklaih ăp ntil s[ hồ sơ đă ua\nh năl nu^h geh kan kăl geh hôm nha ko\ khan, mât đăp mpăn kloh rjăp, tâm di, dơh nơih gay ma ăp nu^h geh kan kăl e n’hanh rnăl vâl geh dơn to\ng ăp nău kơl an bâh Đảng, ngih dak.

            Ryơk rnê, ăp nu^h ntoh lư bâh ăp tahen sôt rmanh, tahen geh nău ji, rnăk vâl geh tahen kh^t tâm lơh, nu^h geh kan kăl e le\ n’hao nău m^n nsrôih, rlet nău jêr jo\t gay ma hun hao,, nsrôih pah kan jan sa, tât râng ăp nău tâm rlong ro\ng dak, jut jăng ach o. ngăch saơ, pơk hvi ăp nău ntoh lư ta dak dak, rnê, nkhôm ăp ntu\k kan, nu^h kan geh âk nău dơi, nău nsrôih, ntop rgop kơl an ăp rnăk dơi kơl ndâk nsơm nău jêr jo\t, rgâl mhe nău rêh.

            Kahg^t 70 năm nar tahen sôt rmanh-tahen kh^t tâm lơh kăl e, ăp gâl kan, ăp n’gâng kan an geh [ư ăp nău kan na nê|, mpêt nkrem, săk rnglăy đah nău têh hci, ntrong kan tâm di đah nău kan chính trị bâh ntu\k kan, n’gâng kan, ntu\k gu\. Ntrôl tay têh hvi lơn nău kan “tâm pêt tâm kơl”, “le\ [on lan mât kơl an rnăk tahen sôt rmanh, rnăk tahen kh^t n’hanh nu^h geh kan đah cách mạng” đah ăp nău kan na nê|, mât kơl nău rêh n’hanh nău m^n, mpơl nău lah ueh du\t n’hâm, nău ryơk rnê bâh Đảng, ngih dak n’hanh [on lan đah nu^h geh kan kăl e, ntop [ư ueh lơn nău văn hoá Việt Nam, [ư têh dnro\ng lơn nău way ơm tâm ro\ng bâh mpôl rnoi he.

            Nău kh^t ji, ntop kan têh bâh ăp nu^h kan cách mạng kăl e, ăp tahen kh^t, tahen sôt rmanh, tahen geh nău ji, rnăk vâl tahen kh^t, nu^h geh kan đah cách mạng mbro mbrăng krêp kăr tâm play nuih ăp nu^h Việt Nam, lah nău m^n du\t khlay gay ma ntop tay săk soan gay ma le\ Đảng, le\ [on lan n’hanh le\ tahen he [ư t^ng nău dơi ntrong kan rgâl mhe, công nghiệp mhe, nău rêh mhe bâh ngih dak n’hanh lăp kan ndrel đah lam ntur neh, mât nâp ueh nău dơi ơm geh bâh cách mạng.

Nu^h rblang: Thị Đoắt