VOV4.M’nông – Nkhêp di nkah gĭt 60 năm Nar pơk Trong Hồ Chí Minh ta dak lêng (23/10/1961-23/10/2021), kêng măng 19/10, ta ntŭk kruanh dak, Kruanh dak Nguyễn Xuân Phúc mâp măt mpôl ntoh măt tahen ơm Trong Hồ Chí Minh ta dak lêng n’hanh ntoh măt ăp cán bộ, tahen Quân chủng Hải quân geh nău kan têh, nău lơh blău, dŭt uĕh. Ntoh ngơi ta nar mâp măt, Kruanh dak mĭn lah, nău pơk trong Hồ Chí Minh ta dak lêng saơ nău kan têh, mĭn ƀư mhe, di blău bah Đảng n’hanh Wa Hồ he. Đah ăp tahen ơm trong Hồ Chí Minh ta dak lêng, Kruanh dak Nguyễn Xuân Phúc mpŏng ŭch ăp đồng chí tahen ơm mât uĕh tay nău way ơm têh dăng, ntơr ang bah Đoàn tàu “không số) an mro mrăng ăp nău uĕh ang ntrong leo mpeh chủ nghĩa têh dăng cách mạng, bah nuih n’hâm têh janh, dŭt n’hâm, mô rlu nsrôih râng ndâk njêng rnăk wâl, ƀon tơm, neh dak nar lơ ndrŏng uĕh lơn.

Nŭih rblang: Y Sưng Phê Ja