VOV4.M'nông: Ôi 26/8, ta Hà Nội, Ƀan rđău đă rgâl dơh glêh tư pháp Trung ương hŏ rgum hop tâl 13 ta nâm nău ƀư tơm bah Kruanh dak Nguyễn Xuân Phúc, Kruanh Ƀan rđău đă gay tâm nchră, an nău rgop mpeh lôch jêh geh tĭng ƀư Đề án: “Rgâl mhe n'hanh ƀư lôch jêh nău way an ƀon lan râng ta Nhih phat dôih tŏng đah nău ŭch geh rgâl tư pháp” n'hanh "Mbơh dăn nău rgop mpeh trong nchrăp an dŏng nău way ƀư rơh phat dôih pơk sŏng dăng ta nhih phat dôih". Aơ lah bar nkô̆ tă bah Ban cán sự Đảng Nhih phat dôih ƀon lan gưl têh tâm ôp rnôk sŏk nău rgop bah Ƀan rđău đă rgâl dơh glêh tư pháp Trung ương an nău rgop lor rnôk ăp nhih pah kan geh nău dơi kan mĭn uănh n'glêh an, đah trong rƀŏng lah tĭng ƀư rgâl tư pháp tâm let năp tay. Lôch rnôk djăt nău rgop bah ăp nuĭh kan tâm Ƀan rđău đă, Kruanh dak Nguyễn Xuân Phúc lah rjăp ân mbơh gĭt jru tay rnoh tât rgâl mhe tĭng nuih n'hâm Nghị quyết Đại hội XIII ma lor bôk năp lah lam trong kan tư pháp. Ban thư ký rgum ăp tŏng nău rgop, tâm nchră gay ơm mbơh n'glôch jêh, lor bôk năp lah nău way ƀư phat dôih pơk sŏng dăng ta nhih phat dôih; lôch nê nta trong dơh an nău phat dôih pơk sŏng dăng ơm dơi an ƀư ngăn./.

Nuĭh rblang: Điểu Thân