VOV4.M’nông: Kêng măng 12/10, ta nkuăl ƀon têh Hồ Chí Minh, Kruanh dak Nguyễn Xuân Phúc ndrel rmôt kan ntoh măt Quốc hội nkuăl ƀon têh Hồ Chí Minh ƀư nau mêt uănh nau ƀư nau kan njrăng, rdâng srê Covid-19 tĭng nau ntrŭnh 30/2021 bah Quốc hội, ăp nau ntrŭnh bah Chính phủ, Thủ tướng Chính phủ, ăp ntrong kan gay ma nkân njrăng srê Covid-19, hun hao văng sa rêh jêng tâm nkuăl ƀon têh tâm rơh tât.

Kruanh dak Nguyễn Xuân Phúc njoăl nau tâm pă mbơh jru ngăn đah Đảng bộ, n’gâng kan ndrel ƀon lan nkuăl ƀon têh Hồ Chí Minh mpeh ăp nau roh hoach yor srê lơh khuch. Gay ndâk nau kan văng sa, nkuăl ƀon têh, Kruanh dak đă nkuăl ƀon têh ân lŏ đăp mpăn nau kan văng sa geh kloh aih, geh nau leo tăch ndoh ndơ, ntrơn leo kon nŭih, ăp nau kan tơm prăk, nau ƀư nau kan kơl an prăk kaih ân ntŭk kan tăch rgâl, nthoi tay nau pă tăch ndoh ndơ ndrel nŭih pah kan. Ndrel ma nê lah ndâk nau hun hao ntŭk kan tăch rgâl, tâm nchră gay gĭt kloh nau jêr bah ăp nau kan./.

Nŭih rblang: H’Thi