VOV4.M'nông: Kêng măng 6/9, ta Nhih pah kan kruanh dak, Kruanh dak Nguyễn Xuân Phúc wơt Đại sứ Ấn Độ ta Việt Nam Pranay Verma. Kruanh dak mpơl nău lah uĕh Chính phủ Ấn Độ hŏ ntop kơl Việt Nam máy njêng oxy n'hanh ăp ndơ ntrŭp dŏng dak si. Kruanh dak mpŏng ŭch Đại sứ ntrŭt ntrôl Chính phủ Ấn Độ an Việt Nam manh ngăch 10 rkeh dĭng vaccine tâm let năp tay, nkre pă an dak si săm Covid-19 tâm ban kơt ăp ndơ năp dŏng kan dak si an Việt Nam. Tâm let năp tay, Kruanh dak Nguyễn Xuân Phúc dăn đă Đại sứ uănh khlay ntrŭt ntrôl tâm boh bar dak. Tâm nê geh mât n'hanh ntrŭt ntrôl tâm mâp gưl têh, ăp gưl n'hanh tâm nđŭr ƀon lan; ntrôl dăng tĭng ƀư ăp nău way trong tâm boh ơm geh kơt Ủy ban Hỗn hợp Việt Nam - Ấn Độ mpeh tâm boh wăng sa, Tăch rgâl, Khoa học n'hanh Công nghệ; uănh năl Chính trị ma trong pơk sŏng dăng mô lah mâp na nê̆. Bar ding ân tâm boh ƀư kan nsum ăp nău kan geh nkô̆ khlay, ngăn ngăn nkah ndray 50 năm nar njêng tâm boh; nsrôih ntrŭt ntrôl bôk nău kan an ƀư tâm boh têh dơi lam lĕ rngôch lvang năm 2021- 2023 gay ƀư jêng ngăn ngăn ăp trong kan tâm boh ma bar ding hŏ tâm ban ŭch./.

Nuĭh rblang: Điểu Thân