VOV4.M'nông: Dơn nău jă bah Thủ tướng Ai-len Mai-cơn Ma-tin, Kruanh tâm pleh bah Hội đồng Bảo an Liên hợp quốc, Kruanh dak Nguyễn Xuân Phúc hŏ râng n'hanh geh nău lah ta Rơh hop gưl têh bah Hội đồng Bảo an Liên hợp quốc mpeh rnă njrăng trôk nar n'hâm sial. Ta rơh hop, Kruanh Hội đồng Bảo an n'hanh ăp nuĭh ntơh măt mpơl nău klach rvê jru hô ta năp ăp nău tât khuch hô bah rgâl duh nđik trôk nar tât nău đăp mpăn n'hanh rnă njrăng dak bah dih, lah rjăp ăp dak lam ntŭr neh ân dâk kan dĭl rdâng lơh đah rgâl duh nđik trôk nar. Tâm nău lah, Kruanh dak dăn đă Liên hợp quốc njêng ntŭk mât prăp nău lư rgum mpeh nău tât âk ding bah dak lêng hao têh gay ƀư ntŭk nsing an nău tor lor trong kan rdâng lơh ta lam ntŭr neh. Kruanh dak mpơl nău nsing nơm an lah đah nău nsrôih dâk kan n'hanh tâm rnglăp lam ntŭr neh, ăp dak mbra rgâl dăng tĭng trong kloh uĕh n'hanh nâp  dăng lơn an bah kơi tay./.

Nuĭh rblang: Điểu Thân