VOV4.M’nông – Nar 21/10, ta Ntŭk Kruanh dak, Kruanh dak Nguyễn Xuân Phúc lĕ an nău ntrŭnh nsing nơm săch Đại sứ năm 2021-2024 nkual châu Âu n’hanh Trung Á an 8 Đại sứ. Ta nar wơt, ndơn măt an ăp Đại sứ dơn nău kan, ăp Đại sứ nkoch nău lap têh dơn nău kan Đảng, Ngih dak n’hanh nuĭh ƀon lan jao an, nkre mĭn lah mbra nsrôih têh ngăn, tâm rgop đah ăp ngih pah kan tâm dak n’hanh dak bah dih, ƀư tĭng uĕh trong hăn tâm rnglăp nchră nău bah Đại hội Đảng lam dak rơh tal 13.

Kruanh dak jao nău kan an ăp Đại sứ Việt Nam dơn nău kan ta dak bah dih

Ndơn măt kruanh Đảng, Ngih dak, Kruanh dak Nguyễn Xuân Phúc mbah rhơn ăp Đại sứ dơi Đảng, Ngih dak nsing nơm jao nău kan khlay ta ăp dak ta nkual châu Âu. Kruanh dak lah rjăp, aơ nkre lah nău lap têh n’hanh nău kan khlay ma Đảng, Ngih dak n’hanh nuĭh ƀon lan nsing nơm jao an ăp Đại sứ. Aơ lah rơh n’hao an Đại sứ rơh tal 2 jêh Đại hội Đảng lam dak rơh tal 13, Kruanh dak lah rjăp tay trong hăn tâm rnglăp nchră nău bah Việt Nam jêh Đại hội Đảng kơt nău rƀŏng tât năm 2045, Việt Nam jêng dak geh ƀư sa âk.

            Nŭih rblang: Y Sưng Phê Ja