VOV4.M’nông – Kêng măng 8/10, ta Hà Nội, Kruanh dak Nguyễn Xuân Phúc râng ƀư wơt dơn ndơ rnê nkhôm Anh hùng lực lượng vũ trang nhân dân an Mpôl druh ndăm kơl neh dak Thành Hoàng Diệu; bôk nău kan rnê rhơn nuĭh uĕh, kan uĕh ntoh lư n’hanh rnê nuĭh ƀon lan thủ đô gĭt blău năm 2021 bah nkual ƀon têh Hà Nội. Bôk nău kan dơi ƀư tĭng trong pơk sŏng dăng n’hanh trực tuyến đah rlău 80 ntŭk ƀoh ta lam dak Nkual ƀon têh Hà Nội. Ndơn măt kruanh Đảng, Ngih dak, Kruanh dak Nguyễn Xuân Phúc lĕ an ndơ nkhôm Anh hùng lực lượng vũ trang nhân dân an Mpôl druh ndăm kơl neh dak Thành Hoàng Diệu. Tâm lịch sử bah thủ đô Hà Nội, n’hâm soan bah Mpôl druh ndăm kơl neh dak Thành Hoàng Diệu mro mrăng dơi nkah gĭt. Nthoi tay nău way ơm bah mpôl druh ndăm kăl e, tâm ăp năm bah năp, druh ndăm Thủ đô lĕ hăn lor ta ăp ntil kan, rgop ndâk njêng Thủ đô lah nkual ƀon têh mĭn ƀư mhe, yor đăp mpăn, rbăn năm văn hiến. Ta nar ƀư Nkual ƀon têh Hà Nội lĕ rnê rhơn ăp nuĭh uĕh kan uĕh ntoh lư n’hanh ntô̆ n’hao 9 "Nuĭh ƀon lan thủ đô ntoh lư” gĭt blău tâm ăp nău kan năm 2021.

Nuĭh rblang: Y Sưng Phê Ja