VOV4.M’nông: Lŏ ăp nau kan ta New York, Hoa Kỳ, Kruanh dak hŏ geh ăp rơh tâm mâp đah ăp rđau kan bah du đê̆ dak, mâp trực tuyến Krunah Rnâng kan Thượng viện Hoa Kỳ. Kruanh dak Nguyễn Xuân Phúc kŏ geh nau tâm nchră đah ntoh măt bah ăp dak lah Uỷ viên Rnâng kan bah Hội đồng bảo an Liên hợp quốc. Tâm nchră nau đah ntoh măt bah rmôt kan Liêng bang Nga, Kruanh dak Nguyễn Xuân Phúc lah rjăp, Nga lah ngoai tâm ăp dak kan nsum bôk năp bah Việt Nam. Tât aơ, rđau kan gưl prêh bar dak mra ơm geh nau tâm nchră sŏng gay n’hao lơn tay nau tâm boh kan nsum đah Việt Nam ndrel Liên bang Nga. Tâm rơh tâm nchră đah Kruanh n’gâng kan nchră nau Hoa Kỳ Antony Blinken, Kruanh dak Nguyễn Xuân Phúc lah ueh Hoa Kỳ dôl lah ngoai tâm ăp dak pă vắc xin njrăng rdâng srê Covid-19 âk ngăn ân ăp dak bah trong COVAX. Bah năp nê, Kruanh dak Nguyễn Xuân Phúc geh tâm mâp đah ur kđăch Hà Lan Maxima, ntoh măt bah Tổng thư ký Liên hợp quốc mpeh tơm prăk, mâp Tổng Giám đốc tơm prăk lam ntur neh (IMF) Kristalina ndrel âk ntŭk kan bôk năp ta Hoa Kỳ./.

Nŭih rblang: H’Thi