VOV4.M’nông – Di nkah gĭt 60 năm Nar way ơm Ngih sam ƀŭt Sỹ quan Lục quân 2 (27/8/1961-27/8/2021), Kruanh dak Nguyễn Xuân Phúc lĕ njuăl sam ƀŭt mbah rhơn cán bộ, sỹ quan, nai, kon hŏk bah Ngih sam ƀŭt. Ndơn măt Kruanh Đảng, Ngih dak n’hanh Quân ủy Trung ương, Kruanh dak Nguyễn Xuân Phúc đêp rmên njuăl tât ăp rơh kruanh, cán bộ, sỹ quan, nai, nuĭh nti, nuĭh kan n’hanh tahen Ngih sam ƀŭt Sỹ quan Lục quân 2 ăp nău rŏng ngăn n’hanh nău mbah rhơn uĕh lăng ngăn. Luh tâm rnôk ntŭk tâm lơh miền Nam tâm rơh tâm lơh tâm su mprơ Mỹ, kơl neh dak, rlet rlău 60 năm ndâk njêng, ntĭm nti, tâm lơh n’hanh têh jêng, ăp rơh cán bộ, sỹ quan dơi ntĭm nti ta Ngih sam ƀŭt lĕ râng tâm lơh tâm su ta ăp ntŭk tâm lơh, rgop khlay lơh dơi bah tahen n’hanh ƀon lan he tâm rơh rklaih đăp mpăn miền Nam, kơp dơn ngoay neh dak bah năp đaơ n’hanh rnôk ndâk njêng, mât njrăng neh dak nar aơ. Tât aƀaơ, Ngih sam ƀŭt lĕ jêng du ntŭk ntĭm nti sỹ quan ntĭm rđău Lục quân cấp phân đội gưl đại học, jêh đại học n’hanh mĭn njêng khoa học nghệ thuật tahen bah Tahen he.

Nŭih rblang: Y Sưng Phê Ja