VOV4.M'nông: Kêng măng 18/10, ta Hà Nội, Kruanh dak Nguyễn Xuân Phúc, Kruanh Hội đồng Quốc phòng An ninh, Râng Lễ nkhôm rnê ăp nuĭh n'hanh ăp mpôl geh nău dơi ngăch prăl tâm nău râng kan mât đăp mpăn Liên hợp quốc. Ntơm bah khay 6 năm 2014 tât aƀaơ, Việt Nam hŏ đă 246 tơ̆ cán bộ, nuĭh kan bah tahen ƀon lan Việt Nam hăn pah kan mât đăp mpăn Liên hợp quốc ta ăp mpôl đă hăn kan Nam Sudan, Cộng hòa Trung Phi n'hanh Nhih pah kan Liên hợp quốc ta New York, Hoa Kỳ. Tâm nê geh 3 Nhih dak si manh ntăm ƀư gưl 2 dơi Liên hợp quốc rnê âk nău dơi kan, ăp nai dak si Việt Nam, an tay ăp nău nkah uĕh đah ăp nuĭh ji yor nuih n'hâm dơn kan âk, lĕ nuih n'hâm kơl săm an nuĭh ji. Ntơh măt kruanh rđău kan Đảng, Ngih dak, Kruanh dak Nguyễn Xuân Phúc rnê âk ăp nău dơi geh di ma rhơn bah  mpôl tahen mât đăp mpăn Liên hợp quốc, dăn đă Bộ Quốc phòng ndrel ăp n'gâng kan tĭng ƀư tay geh nău tam Đề án rgum lam lĕ rngôch mpeh nău Việt Nam râng nău kan mât đăp mpăn Liên hợp quốc hŏ dơi Bộ Chính trị hŏ uănh an dŏng./.  

Nuĭh rblang: Điểu Thân