VOV4.M’nông: Ôi lơ 22/10, ntoh măt rđau kan Đảng, Ngih dak, Mặt trận Tổ quốc Việt Nam, Kruanh dak Nguyễn Xuân Phúc tât Tổ đình Viên Minh (chùa Ráng), xã Quang Lãng, nkuăl Phú Xuyên, nkuăl ƀon têh Hà Nội chang khĭt Đại lão Hoà thượng Thích Phổ Tuệ, Kruanh Rmôt chroh Giáo hội Phật giáo Việt Nam. Ta nar chang, Kruanh dak Nguyễn Xuân Phúc hŏ leo nkah, mpoh kthup ndrel nkah drâu Đại lão Hoà Thượng Thích Phổ Tuệ. Đại lão Hoà thượng Thích Phổ Tuệ lah Kruanh bah rmôt chroh Giáo hội Phật giáo Việt Nam, Uỷ viên Uỷ ban Trung ương MTTQ Việt Nam. Đại lão Hoà thượng Thích Phổ Tuệ lah nŭih tĭng chroh ntoh lư ngăn tâm nau kan, lôch n’hâm rêh ueh, m’ak nuih n’hâm, tĭng chroh, nchih săm ƀŭt, Đại lão Hoà thượng hŏ râng nau nkra, rblang, uănh âk nau nchih mpeh Chroh Phật tâm Việt Nam. Nau rêh Hoà Thượng lah nau mpơl ân saơ ân ăp nau ueh khlay mpeh nau vay, nau rêh bah Phật giáo tâm nau rêh jêng. Đah nuih n’hâm kơl an têh ân neh dak, Hoà thượng Thích Phổ Tuệ hŏ geh Ngih dak kơp dơn ndrel pă Huân chương Hồ Chí Minh ndrel âk ntil ndơ khlay./.

Nŭih rblang: H’Thi