VOV4.M'nông: Dơn nău jă bah Bí thư bôk năp Ban Chấp hành Trung ương Đảng Cộng sản Cuba, Kruanh dak Cộng hòa Cuba Miguel Díaz-Canel, ôi aơ (18/9), tĭng mông Việt Nam, Ủy viên Bộ Chính trị, Kruanh dak Nguyễn Xuân Phúc leo mpôl gưl têh hŏ hăn khâl ngăn dak Cuba ntơm bah nar 18 tât 21/9.

Groi tĭng Kruanh dak Nguyễn Xuân Phúc tâm rnôk hăn khâl geh wa Phan Đình Trạc, Ủy viên Bộ Chính trị, Bí thư Trung ương Đảng, Kruanh ban Nội chính Trung ương; wa Bùi Thanh Sơn, Ủy viên Trung ương Đảng, Bộ trưởng Bộ Ngoại giao ndrel kruanh rđău kan du đêt n'gâng kan Trung ương. Aơ lah hăn khâl mô hŏ tă geh yor Kruanh dak Nguyễn Xuân Phúc lah kruanh dak bah dih lor bôk năp hăn khâl Cuba lôch rnôk dak băl ƀư geh nău dơi Đại hội Đảng tâl VIII n'hanh Việt Nam hŏ ƀư geh nău dơi Đại hội Đảng lam dak tâl XIII. Hăn khâl mpơl nău tâm rnglăp, nău ŭch kơl lhăt bah Việt Nam đah Cuba. Lôch hăn khâl mbra ƀư jru hvi lơn tâm boh bar dak, ntrŭt ntrôl tâm boh tâm ăp trong kan ngăn ngăn n'hanh geh nău dơi tam lơn đŏng./.

Nuĭh rblang: Điểu Thân