VOV4.M’nông: Tâm nar pah kan bôk năp ta New York, Mỹ, 21/9 tĭng mông dak nê, Kruanh dak Nguyễn Xuân Phúc hŏ tât mâp du đê̆ rđau kan gưl prêh ăp dak ndrel Kruanh Ngân hàng lam ntur neh. Ta rơh mâp Tổng thống Hàn Quốc Moon Jea-in, Tổng thống Hàn Quốc ŭch ntrŭt dăng lơn tay nau tâm boh kan nsum đah Việt Nam, nsôih ân geh rnoh 100 rmen đola tâm năm 2023 ntrŭt dăng ăp nau kan văng sa mrô, sinh phẩm, tơm prăk...Tâm rnôk dôl geh srê Covid-19, Tổng thống Moon Jea-in ton lah, Chính phủ Hàn Quốc ntrŭnh nau kơl an ân Việt Nam rlau du rkeh dĭng vắc xin ndrel njăo ân Việt Nam tâm khay 10 tât. Ta nar mâp đah wa Micheal Martin, Thủ tướg Ai-len, dak dôl ƀư Kruanh tâm pleh bah Hội đồng bảo an Liên hợp quốc khay 9/2021, Kruanh dak đă jêh rnôk uănh njrăng srê ân ueh, bar ding ơm nthoi tay nau tâm nchră rgâl rmôt kan ndrel mâp ăp gưl, ntrŭt dăng nau tâm boh kan êng. Kŏ tâm lơ 21/9, Kruanh dak kŏ đă âk rơh mâp đah rđau kan gưl prêh dak Thái Lan, Bangldeash, Sr Lanka, Latvia, Thuỵ Điển, Guyana, Lesotho, Costa Rica, Colombia, Uruguay tâm nchră âk nau kan ngăn gay ntrŭt dăng, hun hao đah ăp dak ân nâp ndrel jru./.

Nŭih rblang: H’Thi