VOV4.M'nông: Kêng măng 15/10, Kruanh dak Nguyễn Xuân Phúc hŏ pah kan đah Ban Cán sự đảng Nhih phat dôih ƀon lan gưl têh. Lah ta rnôk pah kan, Kruanh dak Nguyễn Xuân Phúc rnê âk n'gâng kan bah nhih phat dôih hŏ tĭng ƀư nău dơi kan, nău dơn kan nkra rmal, tĭng ƀư nău dơi tư pháp, mât njrăng nău di, nău dơi kon nuĭh, nău geh tâm di bah nhih pah kan, mpôl kan, ăp nuĭh.

Lơn lah n'gâng kan hŏ geh âk trong nkra đăt ndal gay n'hao săk tam nkra dôih, n'glêh an bah nhih phat dôih; rgâl mhe trong ntĭt leo nkra, ƀư rơh phat dôih tĭng nuih n'hâm rgâl di tư pháp, tâm di đah trong rƀŏng nsum bah lam ntŭr neh. Lôch nê rgop ndrel rdâk tay nău nsing nơm bah nuĭh ƀon lan tâm du jâng nsing tư pháp geh nău tâm ban, kloh rsang, đăp mpăn uănh khlay pháp luật. kruanh dak dăn đă n'gâng kan nhih phat dôih ân lor nchrăp, ntrôl ngăch, n'gluh nkra rmal năn ngăch, ƀư lhăt jăp ăp nău tih sa khâm, wăng sa tih jru, jêr nkra n'hanh ăp nău lư lam rêh jêng kon nuĭh uănh khlay tĭng trong rƀŏng "mô geh nkual mpăng, mô geh nău mha êng bah dih, mô geh nău ring tam mô di bah ăp nuĭh, ăp mpôl tât đă nkra"./.

Nuĭh rblang: Điểu Thân