VOV4.Mnông-  Ta nkuăl ƀon têh Hồ Chí Minh kruanh dak Nguyễn Xuân Phúc mhe geh rơh pah kan tâm mâp ƀon lan ta nkuăl Củ Chi n’hanh Hóc Môn tĭng trong trực tuyến, mbơh tơih mpeh nău nchrăp an rơh rƀŭn nchră tal 2 Quốc hội khóa 15. Ta rơh tâm mâp, ăp ƀon lan mpơl nău lah ueh Đảng, ngih dak, ăp ntŭk kan tâm dak n’hanh bah dih dak lĕ dŭt mât uănh, ntĭm leo, kơl an nkuăl ƀon têh Hồ Chí Minh njrăng rdâng nuh srê gay ma dơi mât njrăng nuh srê kơt aƀaơ.

Kruanh dak Nguyễn Xuân Phúc tâm mâp ƀon lan

Kruanh dak Nguyễn Xuân Phúc an gĭt, n’gâng kan chính trị lĕ geh âk rơh rƀŭn nchră gay ma ndơ̆ mbơh âk ntrong kan ntĭm leo chính phủ, rnâng kan ntĭm leo njrăng rdâng nuh srê, tâm nĕ geh nău rgâl ndơ̆ ntrong kan nău kan bâh “Zero Covid-19” tât rêh nsum đăp mpăn đah Covid-19. Tâm rnôk let năp tay, kruanh dak an lah, vacxin +5k hôm nha lah ntrong kan dŭt khlăy kơt bâh lam ntur neh n’hanh Việt Nam. Đah nău nkuăl ƀon têh Hồ Chí Minh ntơm geh mât njrăng nuh srê, kruanh dak an lah, ăp nkuăl Củ Chi n’hanh Hóc Môn an geh uănh nđôi, doh rklaih dâl ăp nău kŏ văk gay ma nta nău dơh nơih an doanh nghiệp, HTX n’hanh nuĭh ƀon lan kơl ndâk nsơm pah kan jan sa, nta nău pah kan n’hanh nău geh, mât đăp mpăn rnă njrăng rêh jêng.

Nuĭh rblang: Thị Đoắt