VOV4.Mnông-Ƀư tay bôk nău pah kan ta New York, Hoa Kỳ, nar 22/9 tĭng mông New York, kruanh dak Nguyễn Xuân Phúc lĕ geh rơh tâm mâp đah Tổng thống ăp dak Mông Cổ, Thụy Sĩ, Áo n’hanh kruanh Hội đồng châu Âu EU. Ta rơh tâm mâp đah Tổng thống Mông Cổ, kruanh dak Nguyễn Xuân Phúc n’hanh Tổng thống Mông Cổ ndrel lah na nê̆ uănh khlăy nău tâm boh tâm kơl oh nô đah 2 dak, nău kơl an tâm ntrong kan rdâk njêng neh dak aƀaơ. Ta rơh vơt Tổng thống Thụy Sỹ Guy Parmelin, bar hê nuĭh leo kan lah na nê̆ ntrôl tâm kơl nău wăng sa tăch rgâl, ntrôl tâm kơl an hun hao lvang năm 2021-2024 đah rnoh prăk ODA 80 rkeh đôlar ma Thụy Sĩ lĕ tâm ton. Bar hê nuĭh leo kan tâm ban ŭch bar ding an geh joi ăp ntrong kan gay ma ndâk nsơm nău kan tăch rgâl geh nău tât yor Covid-19, tâm nĕ, an geh ntrôl ơm tâm ton FTA đah Việt Nam n’hanh Hiệp hội mbơh nău tăch rgâl dah rŏng Châu Âu (EFTA). Ta rơh tâm mâp Tổng thống Áo, kruanh dak Nguyễn Xuân Phúc đă Áo, nta nău dơh nơih an Việt Nam ta ntrong tâm kơl ndơ̆ mbơh nău pah kan jan sa, uănh n’hêl kơl ăp ntil ndơ gay ma kơl an Việt Nam ngăch njrăng n’hanh rlet rlău nuh srê.

Nuĭh rblang: Thị Đoắt