VOV4.M’nông – Nthoi tay ăp nău ƀư ntrŭt ngăch tăch rgâl, ntuh kơl di râng rơh tâm nchrăp nsum gưl prêh Đại hội đồng Khóa 76 bah Liên hợp quốc, nar 22/9, tĭng mông ta ntŭk, Kruanh dak Nguyễn Xuân Phúc lĕ geh ăp rơh wơt Hội đồng tăch rgâl Mỹ-ASEAN (USABC), Hiệp hội tăch rgâl Hoa Kỳ, Jrô kan tăch rgâl Hoa Kỳ n’hanh kruanh ăp doanh nghiệp, tập đoàn âk dak.... Kruanh dak Nguyễn Xuân Phúc uănh lah prêh nău ƀư bah ăp hiệp hội, doanh nghiệp Hoa Kỳ tâm nău ntrôl ăp doanh nghiệp Hoa Kỳ tăch rgâl n’hanh ntuh kơl ta Viêt Nam tâm âk năm bah năp. Năm tât, Kruanh dak đă ăp hiệp hội ntrôl ăp doanh nghiệp Hoa Kỳ ntuh kơl ta Việt Nam, ngăn lah tâm ăp nău kan kơt công nghệ mhe, ntŭk ntô ntung trong, prăk kaih,...; ndơ̆ Việt Nam tâm ăp trong tâm pă tâm nkual n’hanh lam ntŭr neh. ndrel đah nĕ rgŏ jă Chính phủ Hoa Kỳ ntop kơl tay vaccine njrăng n’gang Covid-19 n’hanh ndoh ndơ, jao an công nghệ nkra njêng vaccine an Việt Nam.

Nuĭh rblang: Y Sưng Phê Ja