VOV4.M’nông: Di rnôk Đại hội tal bôk năp rmôt kan Ndâk nau kan bah neh dak (VINEN), Kruanh dak Nguyễn Xuân Phúc hŏ njoăl săm ƀŭt rhơn tât Đại hội tal bôk năp rmôt kan ndâk nau kan neh dak. Kruanh dak Nguyễn Xuân Phúc lah kloh, ntrŭt dăng nau ndâk kan lah ngoai tâm ăp nau dơi khlay ngăn bah neh dak tâm nau rgâl mhe tâm nau kan văng sa Việt Nam. Kruanh dak mbơh, 5 năm bah năp, pơk bôk năm kan 2016-2021, Chính phủ hŏ ntrŭnh năm 2016 lah năm neh dak ndâk kan. Ntơm bah nê, nuih n’hâm ƀư kan geh rêng, ntŭk ntu ƀư nau kan tăch rgâl geh ndâk, rlau 100 rbăn ntŭk kan geh ndâk tâm ăp năm ndrel tât rnôk aơ neh dak hŏ geh rlau 80 rbăn ntŭk kan dôl pah kan. Kruanh dak ŭch rmôt kan ndâk nau kan bah neh dak ngăn ngên jêng ntung jŏ ƀư tâm rgop săk tam nau ndâk kan, rgop nau leo nau kan, yơng kon ntil, kơl an, ƀư ân ngăn ăp nau ŭch ndâk nau kan tâm Việt Nam./.

Nŭih rblang: H’Thi